"Bugin Holding" IT كومپانياسى 9 جىلدىق مەرەيتويىنا وراي ءال-فارابي اتىنداعى قازاق ۇلتتىق ۋنيۆەرسيتەتىنىڭ ۇلتتىق كىتاپحاناسىندا دەرەكتى فيلم كورسەتتى. فيلمدە كومپانيا وسى 9 جىلدا ۇشىراسقان قيىندىقتار مەن جەتكەن جەتىستىكتەر، ءوز سالاسىنداعى جەتەكشى كومپانياعا اينالۋ جولۋ جانە كومپانيا قىزمەتكەرلەرىنىڭ قىزىقتى وقيعالارى كورسەتىلگەن.

ءىس-شارا بارىسىندا كومپانيانىڭ نەگىزىن قالاۋشى ايبەك قۋاتبايەۆ دەرەكتى ءفيلمنىڭ نەگىزگى ماقساتىن ءتۇسىندىرىپ، شاراعا كەلگەن قوناقتار مەن ستۋدەنتتەرگە العىسىن ءبىلدىردى. 

– بىرىنشىدەن بارشاڭىزدىڭ وتباسىڭىز بەن جاساپ جاتقان كاسىپتەرىڭىزگە ساتتىلىك تىلەيمىن. بۇگىنگى سىزدەرگە ۇسىنىلىپ وتىرعان دەرەكتى فيلم كومپانيانىڭ بۇگىنگە دەيىن اتقارعان جۇمىستارىنىڭ جالپى ەسەبى دەسەك تە بولادى. الداعى ۋاقىتتا دا حالىققا پايدالى ءارى ساپالى ونىمدەر دايىنداۋدى جالعاستىرا بەرمەكپىز. كومپانيا ونىمدەرىن قىرعىزستان مەن وزبەكستان ەلدەرىنە دە شىعارۋ جوسپاردا بار، – دەدى ايبەك قۋاتبايەۆ. 

"Bugin Entertainment" ستۋدياسىنىڭ پروديۋسسەرى لاۋرا ارتىقبايەۆا دەرەكتى فيلم ءتۇسىرۋدىڭ نەگىزگى يدەياسىنا توقتالىپ ءوتتى. 

– بۇل – ءبىزدىڭ بۇگىنگە دەيىن جاساعان اۋقىمدى جوبالارىمىزدىڭ ءبىرى دە بىرەگەيى دەسەم دە بولادى. فيلمنەن وزدەرىڭىزگە كەرەك ءبىلىم الا الاسىزدار دەپ سەنەمىن. مەن جالپى فيلم ءتۇسىرۋ يدەياسىنىڭ قايدان كەلگەنىنە توقتالىپ وتسەم دەپ ەدىم. العاشىندا جاڭادان كەلەتىن قىزمەتكەرلەرگە ارنالعان تانىمدىق روليك رەتىندە ءتۇسىرۋ جوسپارلانعان ەدى. الايدا بۇگىنگە دەيىنگى اتقارعان جۇمىستاردى، كومپانيانىڭ نەگىزگى قۇندىلىعىن ءبىر روليككە سىيعىزۋ مۇمكىن بولمادى. سودان دەرەكتى فيلم ءتۇسىرۋ تۋرالى يدەيا كەلدى. ايبەك مىرزا دا يدەيانى بىردەن قولداي كەتتى. دەرەكتى فيلم وسىلاي جارىققا شىقتى. سىزدەرگە دە بۇل فيلم شابىت سىيلايدى، ۇلكەن ءبىلىم بەرەدى دەگەن سەنىمدەمىز. بارشاڭىزعا العىس ايتامىن، – دەدى لاۋرا ارتىقبايەۆا. 

ءىس-شارا سوڭىندا كورەرمەندەر اراسىندا دەرەكتى فيلم جونىندە سۇراقتار قويىلىپ، سىيلىقتار تابىستالدى.