مەملەكەت باسشىسى قاسىم-جومارت توقايەۆ ۇلتتىق قۇرىلتايدىڭ العاشقى وتىرىسى نەگە جاڭادان قۇرىلعان ۇلىتاۋ وبلىسىندا ءوتىپ جاتقانىن ايتتى، دەپ حابارلادى Sputnik قازاقستان.
"مەن قۇرىلتايعا كەلەر الدىندا تۇتاس ەلدىڭ اتىنان ۇلى جوشى حاننىڭ رۋحىنا قۇران باعىشتاپ، قۇربان شالدىم. جاڭا قازاقستاندى قۇرۋ جولىنداعى تاريحي قادامنىڭ كيەلى جەردەن باستالۋى جاقسى ىرىم. ءبارىمىز بابالارىمىزدىڭ ارۋاعى قولداپ، ءىسىمىز وڭىنان بولسىن تىلەيمىز" دەدى توقايەۆ ۇلىتاۋدا ۇلتتىق قۇرىلتاي وتىرىسىندا.
پرەزيدەنت ۇلى دالانىڭ تورىندە تۇرعان ۇلىتاۋ تالاي تاريحي وقيعانىڭ كۋاسى بولعانىن اتاپ ءوتتى.
"ەل تاعدىرىن ايقىنداعان كوپتەگەن ماڭىزدى كەڭەستەر ءدال وسىندا وتكەن. كيەلى ولكەدە التىن وردا امىرشىلەرى مەن قازاق حاندارىنىڭ ءىزى قالعان. ءبىز ۇرپاقتار ساباقتاستىعى جالعاسىن تاپسىن دەپ وسى جەرگە كەلىپ وتىرمىز" دەدى ول.
پىكىر قالدىرۋ