پرەزيدەنت كەڭەيتىلگەن ۇكىمەت وتىرىسىندا جول ساپاسىنىڭ ناشارلاپ كەتكەنىن ايتتى، دەپ جازادى ق ر پرەزيدەنتىنىڭ باسپا ءسوز قىزمەتى.
«كەلەسى ماسەلە – اۆتوجول سالاسىنا قاتىستى. بۇل سالاعا تۇبەگەيلى رەفورما جاسايتىن ۋاقىت جەتتى. ءقازىر ەلىمىزدەگى جولدىڭ جاي-كۇيىن قاداعالاپ، قىزمەت كورسەتەتىن ەكى نەگىزگى وپەراتور بار. تۋراسىن ايتساق، ەكەۋى دە ءبىر جۇمىستى اتقارىپ وتىر، جۇمىسشىلارىنىڭ سانى دا قاجەتتى شامادان ارتىق. سوعان قاراماستان، ازاماتتاردان كەلىپ جاتقان ورىندى ارىز-شاعىمدار ازايار ەمەس، ال جولدىڭ ساپاسى مۇلدە سىن كوتەرمەيدى. ۇكىمەتكە «قازاۆتوجول» جانە «كازاحاۆتودوردى» بىرىكتىرىپ، قازاقستاننىڭ ءبىرتۇتاس اۆتوجول كومپانياسىن قۇرۋدى تاپسىرامىن. ناتيجەسىندە قىزمەتكەرلەردىڭ سانى دا قىسقاراتىن بولادى»، دەدى توقايەۆ.
بۇدان بولەك، پرەزيدەنت اۆتوجول سالاسىنداعى جەمقورلىق ماسەلەسىنە دە توقتالىپ ءوتتى، دەپ جازادى ازاتتىق رۋحى.
پىكىر قالدىرۋ