پرەزيدەنت ق.توقايەۆ ينفلياسيانىڭ شارىقتاۋى بۇگىندە ەڭ كۇردەلى ماسەلە بولىپ وتىرعانىن، قىمباتشىلىق  دەڭگەيى 19،2 پايىزعا، ازىق-تۇلىكتىڭ كەيبىر ءتۇرى بىردەن 80 پايىزعا قىمباتتاعانىن ءمالىم ەتتى.

– ۇكىمەتتىڭ باعانى تۇراقتاندىرۋعا باعىتتالعان شارالارى ءتيىمسىز بولىپ شىقتى. ۇكىمەت ينفلياسيانى ەسكى ادىس-تاسىلمەن توقتاتقىسى كەلەدى. ونىڭ وزىندە بيۋدجەتتەن قوسىمشا قاراجات ءبولىپ، باعانى جاساندى تۇردە عانا رەتتەپ وتىر. ياعني، قىمباتشىلىقتىڭ سەبەبىمەن ەمەس، سالدارىمەن كۇرەس ءجۇرىپ جاتىر. ال، شىن مانىندە، كەرىسىنشە بولۋى كەرەك. ۇكىمەت بار جاۋاپكەرشىلىكتى وڭىرلەرگە ارتىپ قويدى. ولار اكىمشىلىك رەسۋرستى پايدالانىپ، دۇكەندەردى ارالاپ ءجۇر، باسقا تاسىلدەر جانە جاڭا يدەيالار جوق. مۇنداي جۇمىس ەشقاشان ءتيىمدى بولعان ەمەس. ءبىر سوزبەن ايتقاندا، نارىق زاڭدىلىعىنا ساي كەلەتىن جاڭا ۇستانىم جوق، – دەدى توقايەۆ ۇكىمەتتىڭ بىرلەسكەن وتىرىسىندا.

پرەزيدەنت 2 جىل بۇرىن تاپسىرعان كوتەرمە-تاراتۋ ورتالىقتارى جەلىسى بار ۇلتتىق تاۋار وتكىزۋ جۇيەسىن ىسكە قوسۋ تۋرالى تاپسىرماسىن ۇكىمەت ءالى ورىنداماعانىن اتاپ ءوتىپ، قازان ايىنا دەيىن اتالعان سالادا اتقارىلعان جۇمىس تۋرالى ەسەپ بەرۋدى تاپسىردى.