– جالپى، ۇكىمەتتىڭ جۇمىسىنا ورتاشا دەگەن باعا بەرۋگە بولادى. ۇكىمەت تاباندىلىق تانىتۋعا تىرىسۋدا. ءبىراق قازىرگى كەزەڭدە بوساڭسۋعا بولمايدى. جۇمىس قارقىنىن بارىنشا كۇشەيتۋ قاجەت. جاڭا، تىڭ ادىس-تاسىلدەردى قولدانۋ كەرەك. ۇكىمەت جەدەل ارەكەت ەتەتىن وپەراتيۆتىك شتاب قانا ەمەس، ناقتى رەفورمالاردى ۇسىناتىن جانە جۇرگىزەتىن باستى مەملەكەتتىك مەكەمە بولۋى كەرەك. قازاقستاندا ەكونوميستەر، كاسىپكەرلەر كوپ. شەتىنەن ءبىلىمدى، دارىندى. ءبىراق ولاردىڭ ناقتى ۇسىنىستارى از، ءتىپتى، جوق دەپ ايتۋعا بولادى. كۇزگە قاراي، مۇمكىن، كادرلىق شەشىمدەر قابىلداۋ كەرەك بولادى. ەرەكشە داعدارىس جاعدايىندا بۇل وتە قاجەت ەكەنى تۇسىنىكتى، دەدى ول

– ءبىز قانت يمپورتىنا 90 پايىز تاۋەلدىمىز. بۇل جەردە ەۋرازيالىق ەكونوميكالىق وداق اياسىنداعى شەشىمگە سىلتەي سالۋعا بولادى. ءبىراق قانداي جاعداي بولسىن، بۇل ۇكىمەتتىڭ ەلەۋلى قاتەلىگى. دەمەك، مەملەكەتتىڭ مۇددەسىن قورعاي المادىق. سوندىقتان مينيسترلەر باقىت سۇلتانوۆ پەن ەربول قاراشوكەيەۆكە سوگىس جاريالايمىن، – دەدى ول..