ەكس-پرەزيدەنت نۇرسۇلتان نازاربايەۆ «ءال-ازھار» ۋنيۆەرسيتەتىنىڭ باس يمامى شەيح احمەد ات-تايەبپەن كەزدەستى، دەپ حابارلادى elbasy.kz.
كەزدەسۋ استاناداعى باس مەشىتتە وقىلعان جۇما نامازىنان سوڭ بولعان.
"اڭگىمەلەسۋ كەزىندە تاراپتار دۇنيە جۇزىندەگى كونفەسسياارالىق ديالوگتىڭ وزەكتى ماسەلەلەرى جونىندە پىكىر الماسىپ، قازاقستاندا وتكەن الەمدىك جانە ءداستۇرلى دىندەر كوشباسشىلارى سەزىنىڭ اتالعان ۇدەرىستەگى ماڭىزدى ءرولىن ايرىقشا اتاپ ءوتتى. نۇرسۇلتان ءابىش ۇلى قازاقستان مەن مىسىر اراسىندا قارىم-قاتىناس ورناتۋ بارىسى، سونىڭ ىشىندە جوعارى ءبىلىم بەرۋ سالاسىنداعى بايلانىستار تۋرالى ءوز ەستەلىكتەرىن ورتاعا سالدى. سونداي-اق قازاقستاننىڭ ەكس-پرەزيدەنتى احمەد ات-تايەبتىڭ سەزدە سويلەگەن ءسوزىنىڭ نەگىزگى تەزيستەرىنە قولداۋ ءبىلدىرىپ، دىندەر كوشباسشىلارى اراسىنداعى اشىق ديالوگتى قامتاماسىز ەتۋدىڭ ماڭىزدى ەكەنىنە توقتالىپ ءوتتى" دەلىنگەن اقپاراتتىق حابارلامادا.
پىكىر قالدىرۋ