قالا اكىمى ەربولات دوسايەۆ ۇستەل تەننيسىنەن ءوتىپ جاتقان "WTT Contender Almaty" حالىقارالىق تۋرنيرگە باردى.

ءىس-شارا ق ر مادەنيەت جانە سپورت مينيسترلىگىنىڭ، ۇلتتىق وليمپيادا كوميتەتىنىڭ، سپورتتى دامىتۋ ديرەكسياسىنىڭ جانە الماتى قالاسى اكىمدىگىنىڭ قولداۋىمەن ۇيىمداستىرىلدى.

قازاقستاندا العاش رەت حالىقارالىق اۋقىمداعى وقيعا، Contender سەرياسىنىڭ ءتۋرنيرى 13-18 قىركۇيەك ارالىعىندا جاڭا "ADD" ۇستەل تەننيسى ورتالىعىندا وتۋدە.  

جارىسقا الەمنىڭ 28 ەلىنەن 140 اتلەت قاتىستى. تۋرنيرگە قاتىسۋشىلار اراسىندا وليمپيادا ويىندارىنىڭ بىرنەشە دۇركىن جۇلدەگەرى جانە الەم كۋبوگىنىڭ جەڭىمپازى دميتريي وۆچاروۆ (گەرمانيا)، وليمپيادا ويىندارىنىڭ قولا جۇلدەگەرى لين يۋنجۋ (قىتايلىق تايبەي)، الەم چەمپيوناتىنىڭ كۇمىس جۇلدەگەرى ماتتياس فالك (شۆەسيا)، ەۋروپا چەمپيونى، وليمپيادا ويىندارىنىڭ قولا جۇلدەگەرى دانگ سيۋ (گەرمانيا)، الەم چەمپيوناتىنىڭ قولا جۇلدەگەرى ان دجە-دجەحەن (وڭتۇستىك كورەيا) جانە ت.ب بار.

ەل نامىسىن 11 ەر ادام مەن 11 ايەل قورعاپ جاتىر، ولاردىڭ ىشىندە قۇراما كوشباسشىسى، ريو-2016، توكيو-2020 وليمپيادا ويىندارىنىڭ قاتىسۋشىسى جانە حالىقارالىق تۋرنيرلەردىڭ جەڭىمپازى كيريلل گەراسيمەنكو، سونىمەن بىرگە حالىقارالىق جارىستاردىڭ بىرنەشە دۇركىن جۇلدەگەرى، ازيا جاسوسپىرىمدەر چەمپيوناتىنىڭ قولا جۇلدەگەرى الان قۇرمانعالييەۆ بار.

ءتۋرنيردىڭ جۇلدە قورى 75 مىڭ اقش دوللارى.