تالدىقورعاندا قاڭتار وقيعالارىنان كەيىن ازاپقا ۇشىرادى دەپ تانىلعان 24 ازاماتتىڭ سوت پروسەستەرىندە دە ءبىرقاتار قۇقىقتارى بۇزىلعانى بەلگىلى بولدى. جابىرلەنۋشى ازاماتتار مۇددەلەرى وبەكتيۆتى قارالماي جاتىر، وكىلدەرىمەن قۇپيا كەلىسسوز جۇرگىزۋ ءۇشىن جاعداي جاسالماعان، سوت وتىرىسى زالى تار دەگەن شاعىمدارىمەن ادام قۇقىقتارى جونىندەگى ۋاكىل ەلۆيرا ءازىموۆاعا جۇگىنگەن.
سوت پروسەستەرى وتكەن الدىڭ تارلىعى سونشالىق، جابىرلەنۋشىلەر مەن سوتتالۋشىلارعا ءبىر ورىندىق بەرىلگەن. سونىڭ كەسىرىنەن سوتتالۋشىلار سوتتا وتىرىپ جابىرلەنۋشىلەرگە مورالدىق جانە پسيحولوگيالىق قىسىم جاساعان.
سونداي-اق جابىرلەنۋشىلەر سوت پروسەسىندە سينحروندى اۋدارما بولماعانىنا، سوت تالقىلاۋىنىڭ بارىسىن باقىلايتىن ادام قۇقىقتارى جونىندەگى ۇلتتىق ورتالىق قىزمەتكەرلەرىنىڭ ءىستى قاراۋ ءتارتىبىنىڭ بولماۋىنا دا شاعىمدانعان.
ادام قۇقىقتارى جونىندەگى ۋاكىلدىڭ باسپا ءسوز قىزمەتى ەلۆيرا ءازىموۆا جوعارعى سوتقا ساپالى سوت تورەلىگىن قامتاماسىز ەتۋ بويىنشا شارالار قابىلداۋ تۋرالى حاتپەن جۇگىنىپ، قىلمىستىق ىستەر جونىندەگى سوت القاسىنىڭ ءتوراعاسى بارلىق جول بەرىلگەن بۇزۋشىلىقتاردىڭ شەشىلگەنى تۋرالى جاۋاپ كەلگەنىن حابارلادى.
سوت ورگانىنىڭ جاۋابىنان سوت تالقىلاۋى ۇلكەن زالدا ءوتىپ جاتقانى، ءتيىستى اۋدارماشىمەن قامتاماسىز ەتۋ پروبلەمالارى جويىلعانى حابارلانعان.
بۇدان باسقا، سوتتالۋشىلارعا قاتىستى بۇلتارتپاۋ شاراسى بولىگىندە جابىرلەنۋشى تاراپ ادۆوكاتتارىنىڭ شاعىمدارى ءىشىنارا قاناعاتتاندىرىلعانى دا ايتىلادى.
پىكىر قالدىرۋ