قاراعاندى وبلىسىنىڭ دەنساۋلىق ساقتاۋ باسقارماسى شاحتينسكىدەگى شاحتادا بولعان اپاتتان زارداپ شەككەن كەنشىلەردىڭ جاعدايىن ايتتى.
3 قاراشادا شاحتينسكىدە توتەنشە جاعدايدان زارداپ شەككەن ەكى ادامدى دارىگەرلەر وتاعا ازىرلەپ جاتقانى ءمالىم بولدى. قايعىلى جاعدايدان بارلىعى ءتورت ادام زارداپ شەكتى.
قاراعاندى وبلىسىنىڭ دەنساۋلىق ساقتاۋ باسقارماسىنىڭ حابارلاۋىنشا، اشىق باس سۇيەك-مي جاراقاتىن العان ەكى ادامعا وتا جاسالعان. دارىگەرلەردىڭ ايتۋىنشا، ولاردىڭ جاعدايى تۇراقتى.
3 قاراشادا قاراعاندى وبلىسىنداعى شاحتادا گاز شىعۋىنان جارىلىس بولىپ، اپات سالدارىنان 5 ادام قازا تاپقان. اپات كەزىندە 106 ادام جەر استىندا بولعان، ولاردىڭ 101 ەۆاكۋاسيالانىپ ۇلگەرگەن.
پىكىر قالدىرۋ