3 قاراشادا "قاڭتار وقيعالارى" بارىسىندا قىلمىستىق قۇقىق بۇزۋشىلىق جاساعان ادامدارعا قاتىستى "راقىمشىلىق تۋرال" زاڭنىڭ ەرەجەلەرى كۇشىنە ەنىپ، سودان بەرى 1 071 ادامعا راقىمشىلىق جاسالدى. بۇل تۋرالى باس پروكۋراتۋرا 1 قىزمەتى باستىعىنىڭ ورىنباسارى ەلدوس كيلىمجانوۆ وكق الاڭىندا وتكەن بريفينگتە حابارلادى.

تەرگەۋ ورگاندارى سوتقا دەيىنگى كەزەڭدە اۋىرلىعى ورتاشا قىلمىس جاساعان 8 كۇدىكتىگە قاتىستى قىلمىستىق قۋدالاۋدى توقتاتقان.

– سوت 9 ادامعا قاتىستى ىستەردى توقتاتتى، ۇكىم شىعارىلعان كەزدە 77 ادامعا جازا مەرزىمى قىسقارتىلدى. سونداي-اق سوتتار 902 سوتتالۋشىنىڭ جازالاۋ مەرزىمىن قىسقارتتى، ونىڭ 827ء-سى ەسەپ بەرەتىن پروباسيالار، ال 75ء-ى جازادان بوساتىلدى. وتكەن اي ىشىندە راقىمشىلىق اكتىسىن قولدانا وتىرىپ، باس بوستاندىعىنان ايىرۋ ورىندارىنان 60 ادام، ال پروباسيالىق باقىلاۋدان 68 ادام بوساتىلدى، دەدى سپيكەر.

ەلدوس كيلىمجانوۆيىڭ دەرەگىنشە، بۇگىنگى كۇندە 579 ادام سوتتالعان، ونىڭ ىشىندە 462 ادامعا باس بوستاندىعىنان ايىرۋ جازاسى كەسىلگەن. ونىڭ 117ء-سى جاپپاي تارتىپسىزدىكتەرگە قاتىسۋ، توناۋ، تۇرعىن ءۇي-جايعا كىرۋمەن جاسالعان ۇرلىق، قارۋدى ۇرلاۋ جانە دە توتەنشە جاعدايدا كورىنەۋ جالعان اقپارات تاراتۋ سياقتى اۋىر جانە اسا اۋىر قىلمىس جاساعانى ءۇشىن باس بوستاندىعىنان ايىرىلعان.