سوتتالعان قايرات ساتىبالدى ۇلى جازاسىن وتەپ جاتقان كولونيادا ءالى جۇمىس تاپقان جوق. بۇل تۋرالى قىلمىستىق-اتقارۋ جۇيەسى كوميتەتىنىڭ Tengrinews.kz باسىلىمىنىڭ رەسمي ساۋالىنا بەرگەن جاۋابىندا ايتىلعان.
ۆەدومستۆو مالىمەتىنشە، ساتىبالدى ۇلى بيىل قازان ايىنان باستاپ وسكەمەندەگى №22 ورتا قاۋىپسىزدىك مەكەمەسىندە جازاسىن وتەپ جاتىر. اكىمشىلىك وكىلدەرى سوتتالۋشىنىڭ مىنەزدەمەسىن ءالى جاساماعان، سەبەبى ول زاڭمەن بەلگىلەنگەن ەڭ تومەنگى مەرزىمدى وتەمەگەن.
"قىلمىستىق-اتقارۋ جۇيەسى ورگاندارىنىڭ قىزمەتىن رەتتەيتىن قۇقىقتىق اكتىلەرگە سايكەس، سوتتالۋشىنىڭ مىنەز-قۇلىق دارەجەسى مەن تۇلعالىق ەرەكشەلىكتەرى مەكەمەدە توعىز ايدان كەيىن قالىپتاسادى. سوتتالعان قايرات ساتىبالدى ۇلىنىڭ تارتىپتىك جازاسى جوق" دەلىنگەن وكج ءتوراعاسىنىڭ ءبىرىنشى ورىنباسارى ساعات مادييەۆتىڭ قول قويىلعان رەسمي جاۋاپتا.
ساتىبالدى ۇلى ءالى جۇمىسقا ورنالاسپاعانى، ال ونىڭ دەنساۋلىق جاعدايى تۋرالى اقپارات قۇپيا ەكەنى ايتىلدى.
"ءقازىر سوتتالعان قايرات ساتىبالدى ۇلى №22 مەكەمەنىڭ كاسىپورىندارىندا بوس جۇمىس ورىندارىنىڭ بولماۋىنا بايلانىستى جۇمىسقا ورنالاسقان جوق. دەنساۋلىق ساقتاۋ كودەكسىنە سايكەس، مەديسينالىق قىزمەتكەردىڭ جەكە مەديسينالىق دەرەكتەرى، مەديسينالىق كومەككە جۇگىنۋ دەرەگى، ادامنىڭ دەنساۋلىق جاعدايى تۋرالى مالىمەتتەر جانە ونى تەكسەرۋ جانە ەمدەۋ كەزىندە الىنعان باسقا دا مالىمەتتەر مەديسينا قىزمەتكەرىنىڭ قۇپياسى"، - دەپ تولىقتىردى مينيسترلىك.
ەكس-پرەزيدەنت نۇرسۇلتان نازاربايەۆتىڭ نەمەرە ءىنىسى قايرات ساتىبالدى "قازاقتەلەكوم" اق-نىڭ قارجىسىن جىمقىردى دەپ ايىپتالىپ، 6 جىلعا باس بوستاندىعىنان ايىرىلعان.
ول كاناسىن مويىنداپ، كەلتىرىلگەن زالالدى مەملەكەتكە قايتارۋ ارقىلى اناعۇرلىم "جۇمساق" سوت ۇكىمىنە – سوتتاۋ مەرزىمىن جارتىسىن دەيىن قىسقارتۋعا قول جەتكىزگەن.
سوت شەشىمىنە ساي، ونىڭ دۇنيە-مۇلكى تاركىلەنىپ، 10 جىلعا مەملەكەتتىك قۇرىلىمدا قىزمەت ەتۋگە تىيىم سالىندى. سونداي-اق ۇلتتىق قاۋىپسىزدىك ورگانىنىڭ گەنەرال-مايور شەنى، "قۇرمەت"، "پاراسات" وردەندەرى قايتىپ الىندى.
پىكىر قالدىرۋ