بۇگىن «AMANAT»-تىڭ بارلىق وڭىرلىك فيليالىندا پارتياعا سالتاناتتى قابىلداۋ ءراسىمى ءوتتى. ەلوردادا ورتالىق اپپاراتتا جۇمىسشى ماماندىقتار، مادەنيەت، سپورت، دەنساۋلىق ساقتاۋ، ب ا ق، شوب جانە باسقا دا سالالاردىڭ 50-دەن استام بەلسەندى وكىلى «AMANAT» ءتوراعاسىنىڭ قولىنان پارتيا بيلەتىن الدى.

كەزدەسۋ بارىسىندا ەرلان قوشانوۆ «AMANAT» قاتارىندا 800 مىڭنان استام قازاقستاندىقتى بىرىكتىرە وتىرىپ، جاڭا جاعدايدا ءوزىنىڭ كوشباسشىلىعىن ساقتاپ قالعانىن اتاپ ءوتتى.

«بۇل شەشىمدى ءارقايسىڭىز ويلانىپ، تولعانىپ، جۇرەكتەن وتكىزىپ بارىپ قابىلدادى دەپ ويلايمىن. ويتكەنى، بۇل – ۇلكەن سەنىم ءارى زور جاۋاپكەرشىلىك. ءبىزدىڭ مۇددەمىز ءبىر، ماقساتىمىز ءبىر. ول – ەلدەگى تۇراقتىلىقتى ساقتاۋ، تاۋەلسىزدىگىمىزدى نىعايتۋ، ۇلتتى بىرىكتىرۋ. قوعامدى مەملەكەت باسشىسىنىڭ توڭىرەگىنە توپتاستىرۋ. بۇل جولدا ءبارىمءىز ءبىر كىسىدەي جۇمىلۋىمىز كەرەك»، - دەدى ەرلان قوشانوۆ.

سونداي-اق «AMANAT» ءتوراعاسى بيىل پارتيا اۋقىمدى جاڭعىرتۋدان وتكەنىن اتاپ ءوتتى. اتاپ ايتقاندا، پارتيانىڭ جاڭا ساياسي تۇعىرناماسى بەكىتىلدى، وندا مەملەكەتتىڭ باستى بايلىعى ادام ەكەندىگى ناقتى كورسەتىلگەن. بەلسەندى ازاماتتىق ۇستانىمدى قالىپتاستىرۋعا، الەۋمەتتىك ادىلەتتىلىكتى قامتاماسىز ەتۋگە، بارلىق ازامات ءۇشىن تەڭ مۇمكىندىك جاساۋعا، جاسامپاز ەڭبەك يدەياسىن ىلگەرىلەتۋگە باعىتتالعان جانە ت.ب. ءبىرقاتار پارتيالىق جوبا مەن باستامالار ىسكە اسىرىلۋدا.

بۇگىن پارتيا قاتارىنا وسى جىلدىڭ مامىرىندا تەرەزەدەن قۇلايىن دەپ تۇرعان 3 جاسار بالانى امان الىپ قالعان ءسابيت شونتاقبايەۆ پەن شىلدە ايىندا جانىپ جاتقان عيماراتتىڭ توبەسىنەن مەملەكەتتىك ەلتاڭبا مەن تۋدى الىپ شىققان مۇحامەد قانسەيىت قوسىلدى.

سونىمەن قاتار «AMANAT»-قا قابىلدانعانداردىڭ قاتارىندا ۆولونتەر اريانا بەلوبجيسكايا، «Sensitive» ەستىمەيتىن بيشىلەر تەاترىنىڭ ءارتىسى اينۇر ساينوۆا، ءانشى قانات ۇمبەتوۆ، مەتاللۋرگ نيكيتا ەكەل، كازگيۋۋ ۋنيۆەرسيتەتى باسقارما ءتوراعاسىنىڭ ورىنباسارى اينۇر كارىبوزوۆا، پروديۋسەر ايساۋلە ءابىلدا، ءانشى قاراقات ءابىلدينا جانە مۋزىكالىق پروديۋسەر ءقىدىرالى بولمانوۆ، جۋرناليستەر دارحان ءابدىۋاحيت، مەيرامگۇل ءمادالى بار.

سونداي-اق، بۇگىن پارتياعا حيرۋرگ ولجاس جانالى، ءمۇعالىم جادىرا شءابدەن، اكتريسا داريعا بادىقوۆا، قوعام قايراتكەرى بيبىگۇل نۇراشيەۆا، شارۋا قوجالىعىنىڭ باسشىسى قايرات قودجاحمەتوۆ، اكتەرلەر بولات ءابدىلمانوۆ پەن دۋلىعا اقمولدا، ەۋروپالىق قۇقىق جانە ادام قۇقىقتارى ساراپتامالىق ينستيتۋتىنىڭ ديرەكتورى مارات ءباشىموۆ، «جەر اماناتى» كوميسسياسى ءتوراعاسىنىڭ ورىنباسارى، زاڭگەر باقىتجان بازاربەك جانە باسقالار كىردى.

مۋزىكالىق پروديۋسەر ءقىدىرالى بولمانوۆ اتاپ وتكەندەي، ادىلەتتى قازاقستاندى قۇرۋ جولىندا ەلىمىزدىڭ بارلىق ازاماتى بىرىگۋى ءتيىس.

«ءبىزدىڭ ماقساتىمىز ءبىر – ول كوك بايراعىمىزدى بيىكتە جەلبىرەتىپ، تاۋەلسىزدىگىمىزدى تۇعىرلى ەتۋ. ءبىزدىڭ وتانىمىز ءبىر، تۋىمىز ءبىر، يدەولوگيامىز بەن مادەنيەتىمىز ورتاق. سوندىقتان ەلىمىزدىڭ ەڭسەسى بۇدان دا بيىك بولۋى ءۇشىن جيناعان تاجىريبەمىزدىڭ ءبارىن ۇسىنا وتىرىپ، جانىمىزدى سالىپ جۇمىس ىستەءۋىمىز قاجەت»،- دەدى ول.

«انا مەن بالا» قايىرىمدىلىق مەكەمەسىنىڭ ديرەكتورى ءاليا ساتبايەۆا دا ءوز ويىن ورتاعا سالدى.

«مەن الماتى وبلىسىنداعى ەلتاي دەگەن شاعىن اۋىلدان كەلىپ وتىرمىن. جولداسىم ەكەۋمىز ۆولونتەرلىكپەن بەلسەندى اينالىسامىز. ءبىزدى ءبىرىنشى بولىپ «AMANAT» پارتياسى قولدادى. بۇل – ءبىز ءۇشىن ۇلكەن جەتىستىك. پارتيانىڭ ارقاسىندا اپتا سايىن ءجۇزدەگەن مۇقتاج ادامعا كومەك بەرىپ جاتىرمىز»، – دەدى ول.

ايتا كەتەيىك، «AMANAT»-تىڭ بارلىق وڭىرلىك فيليالىندا پارتيا بيلەتىن 1500-دەن استام ادام الدى. جالپى جىل باسىنان بەرى 29 مىڭنان استام قازاقستاندىق پارتيا قاتارىن تولىقتىردى.

«AMANAT» پارتياسىنىڭ باسپا ءسوز قىزمەتى