قارجى مونيتورينگى اگەنتتىگى جۋرناليست ميحايل كوزاچكوۆتىڭ ءىسى بويىنشا تەرگەۋ توبىنىڭ پروسەسسۋالدىق ارەكەتتەرىنىڭ زاڭدىلىعى مەن نەگىزدىلىگىنە قاتىستى جاعدايعا تۇسىنىكتەمە بەردى، دەپ حابارلادى Tengrinews.kz.

ۆەدومستۆو مالىمەتىنشە، ءجۋرناليستىڭ پاتەرىندە ءتىنتۋ ق ر قىلمىستىق ءىس جۇرگىزۋ كودەكسىنىڭ 254-بابىنىڭ تالاپتارى بويىنشا جۇرگىزىلگەن.

"ونى جۇرگىزۋدىڭ نەگىزدىلىگى مەن قاجەتتىلىگىن تەرگەۋ سوتى تەكسەرىپ، قورىتىندىسى بويىنشا سانكسيا بەرىلدى. بۇل تەرگەۋ ارەكەتى پاتەر يەسى تىكەلەي پاتەردە بولعان كەزدە، كۋاگەرلەرمەن جۇرگىزىلدى. ءتىنتۋ بارىسى بەينەكامەراعا ءتۇسىرىلدى. ءوتىنىش قورعاۋشىلاردىڭ قاتىسۋ قاجەتتىلىگى ايتىلماعان" دەدى قما وكىلدەرى.

قما ءجۋرناليستى قوعامدىق پىكىر قالىپتاستىرۋ ارقىلى قىلمىسكەرلەرگە بولىستى، اقپاراتتىق شابۋىل ۇيىمداستىردى، جالعان مالىمەت تاراتتى، ادام بەدەلىنە نۇقسان كەلتىرەتىن ماقالالار جاريالادى، مەملەكەتتىك قۇپياعا جاتاتىن اقپاراتتاردى جيناپ، تاراتتى دەپ ايىپتاپ وتىر. ورگان دەرەگىنشە، جۋرناليست وسى قىزمەتى ءۇشىن قوماقتى سىياقى العان. 

ءبىرقاتار بەلسەندى ازاماتتار مەن كوزاچكوۆتىڭ ارىپتەستەرى بولىپ جاتقان وقيعانى قۇقىقتىق سالا، سوت جۇيەسى تۋرالى وتكىر جازاتىن ءجۋرناليستىڭ اۋزىنا قاقپاق بولۋ ارەكەتى دەپ سانايدى.