ستاتيستيكا بيۋروسى ەلدە ەڭ ءجيى كەزدەسەتىن فاميليالاردى اتادى.
بيۋرو مالىمەتىنشە، قازاقستاندا ەڭ كوپ تاراعان فاميليا – احمەتوۆ(ا). ول 66 091 ادامدا كەزدەسەدى. رەيتينگتەگى ەكىنشى ورىندا سەرىك – 45 193. ءۇشىنشى پوزيسيادا – وماروۆ(ا) تەگى. قازاقستاندا بۇل فاميليا 40 322 ادامدا بار. ءتورتىنشى ورىندا وسپانوۆ(ا) – 36 142. توپ 5-تە، سونداي-اق الييەۆ(ا) تەگى بار، قازاقستانداعى الييەۆتەردىڭ سانى – 35 387.
بۇدان ءارى كوپ تارالعانداردىڭ ىشىندە كيم – 34 811، سۇلەيمەنوۆ(ا) – 29 988، مارات – 28 008، امانگەلدى – 27 297 جانە بولات – 24 542 فاميليالارى بار.
وسىدان ءتورت جىل بۇرىن توپ-5 فاميليالار ءتىزىمى تومەندەگىدەي بولعان:
- احمەتوۆ (ا) (73 627)؛
- وماروۆ (ا) (45 123)؛
- كيم (42 274)؛
- وسپانوۆ (ا) (41 068)؛
- يۆانوۆ (ا) (39 296).
2022 جىلعى 1 قاراشاداعى جاعداي بويىنشا، قازاقستان حالقىنىڭ سانى – 19 715 782 ادام.
ال ەسىمدەر اراسىندا ۇل بالالارعا ءاليحان، قىزدارعا ءمادينا ءجيى قويىلادى. تانىمال ەسىمدەر قاتارىندا ۇلدار اراسىندا الان، ومار، الديار، ءامىر، ايسۇلتان، ءالي، ءالينۇر ەسىمدەرى، قىزدار اراسىندا ايشا، ايلين، توميريس، اسىلىم، سافيا، رايانا، ءامينا ەسىمدەرى كەزدەسەدى.
پىكىر قالدىرۋ