رەسەي قورعانىس ءمينيسترى سەرگەي شويگۋ اسكەرگە شاقىرۋ جاسىن كەزەڭ كەزەڭمەن ۇلعايتۋدى ۇسىندى، دەپ جازادى kommersant.ru پورتالى.
ول اسكەرگە شاقىرۋ جاسىن 18-دەن 21-گە دەيىن، شاقىرۋدىڭ شەكتى جاسىن 27-دەن 30-عا دەيىن كوتەرۋ ارقىلى رەسەي اسكەرىنىڭ سانىن 1،5 ميلليونعا دەيىن ارتتىرۋ كوزدەلىپ وتىرعانىن جەتكىزدى. ونىڭ 695 مىڭى كەلىسىم-شارت نەگىزىندە قىزمەت ەتەتىن اسكەريلەر بولادى.
شويگۋ مۇنداي شارا ناتو كۇشتەرىنىڭ ەل شەكاراسىنىڭ سولتۇستىك-باتىس شاعىنا تونە تۇسۋىمەن بايلانىستى ەكەنىن ايتادى.
ول كەلىسىم-شارتپەن قىزمەت ەتەتىن اسكەريلەر سانىن جىل سوڭىنا دەيىن 521 مىڭعا جەتكىزۋدى تاپسىردى.
بۇدان بولەك شويگۋ ماسكەۋ جانە لەنينگراد اسكەري وكرۋگ پەن جاڭا ەكى ديۆيزيا قۇرۋدى ۇسىندى.
قازىرگى ۋاقىتتا رەسەيدە اسكەرگە 18-27 جاس ارالىعىنداعى ەر ادامدار شاقىرىلادى. قىزمەت مەرزىمى ءبىر جىلدى قۇرايدى.
رەسمي كييەۆ وزىنە قارسى باسقىنشىلىق سوعىس جۇرگىزىپ جاتقان رەسەي ۇلكەن شىعىنعا ۇشىراپ جاتقانىن ايتادى. ماسكەۋ كەلتىرگەن دەرەكتەردە اسكەري شىعىن كولەمى ۋكراينا دەرەكتەرىنەن الدەقايدا از. بەيتاراپ دەرەككوزدەر سوعىس جاعدايىندا قوس تاراپتىڭ دا ايتقاندارىن ناقتى انىقتاي الماي وتىر. الايدا قىركۇيەكتە رەسەيدە ءىشىنارا موبيليزاسيا جاريالانىپ، رەسمي تۇردە 300 مىڭنان استام ادام اسكەرگە الىنعان.
پىكىر قالدىرۋ