پوليسيا "وليگارح بالالارىنىڭ توبەلەسىنە" ءىىم قىزمەتكەرلەرىنىڭ قاتىسى بار-جوعىن تەكسەرەدى، دەپ حابارلادى كازتاگ اگەنتتىگى.
"بوستاندىق اۋدانى پب جانىنداعى پوليسيا ءبولىمى وسى فاكتى بويىنشا تەكسەرۋ جۇمىستارىن باستادى. سونىڭ ناتيجەسىندە كىنالى تۇلعالار مىندەتتى تۇردە انىقتالىپ، جاۋاپقا تارتىلاتىن بولادى"، دەپ حابارلاعان الماتى قالاسى پوليسيا دەپورتامەنتىنىڭ باسپا ءسوز قىزمەتى.
بۇعان دەيىن "باسە" Telegram-ارناسى كاراوكە كلۋبتاردىڭ بىرىندە وليگارحتار باحارادين ابلازيموۆ پەن دىنمۇحامەت ىدىرىسوۆتىڭ ۇلدارى توبەلەسىپ قالعانى تۋرالى اقپارات تاراتقان. كەيىن توبەلەسكە ولاردىڭ وققاعاعارلارى دا قاتىسقانى جانە ولار ءىىم قىزمەتكەرى ەكەنى حابارلاندى.
توبەلەس ناقتى قاي كۇنى بولعانى بەلگىسىز. 9 قاڭتاردا الماتى پوليسياسى وقيعاعا بايلانىستى "بۇزاقىلىق" بابى بويىنشا سوتقا دەيىنگى تەرگەۋ امالدارى تىركەلگەنىن حابارلاعان. توبەلەسكەندەردىڭ جاراقاتىنىڭ دارەجەسىن انىقتاۋ ءۇشىن سوت-مەديسينا ساراپتاماسى دا تاعايىندالعان.
پىكىر قالدىرۋ