Ulysmedia.kz سايتىنىڭ باس رەداكتورى سامال يبرايەۆا رەداكسيا كەڭسەسىنە بەلگىسىز بىرەۋلەر قوراپقا مالدىڭ ەتى مەن بالالارىنىڭ سۋرەتىن سالىپ جىبەرگەن، دەپ حابارلادى ازاتتىق راديوسى.

جۋرناليست قوراپ كەڭسەگە 8 اقپاندا كەلگەنىن، ءىشىن اشقان كەزدە جوعارىدا اتالعان زاتتار شىققانىن ايتقان. يبرايەۆا وقيعانى "رەداكسياعا جاسالعان قوقان-لوقى" دەپ باعالاعان.

"پرەزيدەنت تاپسىرما بەرسە دە، ماعان جاسالىپ جاتقان قىسىمنىڭ ارتىندا كىم تۇرعانى انىقتالعان جوق. وسىعان دەيىن قانشاما قىسىم كوردىم" دەدى سامال يبرايەۆا.

سۋرەتتە ەتپەن بىرگە بالالاردىڭ سۋرەتى جاتقانى كورىنەدى. سارسەنبى تۇستەن كەيىن رەداكسياعا پوليسيا كەلىپ، زاتتاردان ساۋساق ىزدەرىن العان. يبرايەۆا پوليسياعا قوراپتى كىم جىبەرگەنىن انىقتاۋدى سۇراپ، شاعىم جازعان.

سامال يبرايەۆا بۇعان دەيىن 18 قاڭتاردا الدەكىمدەر Ulysmedia.kz سايتىن بۇزىپ، سايتتىڭ العاشقى بەتىنە ءوزىنىڭ جەكە دەرەكتەرىن جاريالاپ تاستاعانىن حابارلاعان. جاريالانعان دەرەكتەر اراسىندا يبرايەۆانىڭ وتباسىلىق سۋرەتتەرى، ءتولقۇجاتتارى بار. يبرايەۆا وقيعانى جۋرناليستىك قىزمەتىمەن بايلانىستىرعان. سايت ءبىرازۋ اقىتقا جابىلىپ، ىزىنشە اشىلعان. يبرايەۆا پوليسياعا ارىز جازعان، الايدا كۇدىكتىلەر انىقتالماعان.