بۇگىن اقىن جامبىل جابايەۆتىڭ تۋعانىنا 147 جىل تولدى.
حالىق اراسىندا جامبىل شالا تۋعاندىقتان اتاسى تىماققا سالىپ، كەرەگەگە ءىلىپ وسىرگەن دەسەدى. ءقازىر عاسىر جاساعان اقىننىڭ جاسىن بەرسىن دەگەن نيەتپەن جاڭا تۋعان نارەستەگە «جامبىلدىڭ جاسىن بەرسىن!» دەپ باتا-تىلەك ايتىپ جاتادى.
ءبىر قىزىعى حح عاسىردىڭ گومەرى اتانعان اقىن حات تانىماعان. ولەڭ-جىر كوكەيىنە كەلگەندە توگىپ قالىپ وتىرعان.
ەل ىشىندەگى تورەلەر مەن بايلاردى، مولدانى سىناعان جىرلارى تەز تاراپ، اۋىزعا ىلىگە باستايدى. جاستايىنان ءسۇيىنبايدى ءپىر تۇتىپ، باتاسىن العان. سۋىرىپ-سالمالىعىمەن اتى شىققان قۇلان ايان قۇلماتبەتپەن ايتىسىپ جەڭگەننەن كەيىن جامبىل جىر الىپتارىمەن يىق تەڭەستىرە باستاعان.
تۇسىندە قىزىل جولبارىس كورگەننەن كەيىن "تاڭدايىما جىر قوندى" دەگەن اقىن دۇنيە سالار شاعىندا "جولبارىسىم تاۋىنا قايتتى، مەنىڭ دە ۋاقىتىم كەلدى" دەپ ءولىمىن بولجاسا كەرەك-تى.
كەيىننەن شىڭعىس ايتماتوۆ "جامبىلدىڭ جولبارىسى ماعان كەلدى، قازاقتان تۋما تالانت شىققاندا ەلىنە قايتادى" دەپ ايتىپتى قالجىڭ-شىنى ارالاس.
الايدا جامبىلدان كەيىنگى اقىندار جامبىلدىڭ جولبارىسى جايلى ءسوز قوزعاماعان. بالكىم جىر جولبارىس قىرعىز تاۋىن ءالى مەكەندەپ جۇرگەن بولار؟!
پىكىر قالدىرۋ