2019 جىلدىڭ ماۋسىمىندا وتكەن پرەزيدەنت سايلاۋىندا ەكىنشى ورىن العان بەلگىلى ساياساتكەر ءامىرجان قوسانوۆ قامشى پورتالىنا ەكسكليۋزيۆتى سۇحبات بەردى. سۇحباتتا ول ءوزىنىڭ بۇگىنگى ءومىرى تۋرالى ءسوز تارقاتىپ، ەلدەگى ءبىرقاتار وزەكتى ماسەلەلەرگە قاتىستى پىكىرىن ءبىلدىردى.
سونداي-اق، ءامىرجان قوسانوۆ بۇگىنگى ساياساتكەرلەردىڭ، ونىڭ ىشىندە، سايلاۋعا ءتۇسىپ جاتقان كانديداتتاردىڭ وزىنەن كەڭەس الىپ جۇرگەنىن ايتتى. بۇگىنگى شەندىلەردىڭ اراسىندا كىمدەرمەن ارالاساتىنىنا دا توقتالدى. بىزدەگى وپپوزيسيانىڭ كەمشىلىگىن تارقاتا كەلە، ءوز جولىندا جىبەرگەن قاتەلىكتەرىمەن ءبولىستى.
"ەسكى قازاقستان جالعاسىپ كەلە جاتىر، جاڭا قازاقستانعا اياق باساردا كىبىرتىكتەپ تۇرمىز. جۇيە جاقسارىپ كەلە جاتقان سياقتى. ءبىراق توقايەۆ وسى قۇراممەن، وسى ساياسي شەشىمدەرىمەن قالا بەرسە، جاڭا قازاقستاندى كورمەۋىمىز مۇمكىن. سەبەبى جاعىمپازدىقتىڭ ەكىنشى كەزەڭى باستالدى. ەسكى قازاقستان وكىلدەرى جاڭا قازاقستاندى قۇرىپ جاتىر"، - دەپ مالىمدەدى ءامىرجان قوسانوۆ.
سۇحباتتىڭ ولىق نۇسقاسىن Qamshy TV ارناسىنان كورە الاسىزدار.
پىكىر قالدىرۋ