الماتىدا جاندوسوۆ پەن روزىباكييەۆ كوشەلەرىنىڭ قيىلىسىندا 6 زاڭسىز ورناتىلعان ساۋدا نىسانى، اباي داڭعىلى،50 مەكەنجايداعى 8 نىسان، مۇستافين مەن ءبىرجان كوشەلەرىنىڭ قيىلىسىندا ( وربيتا-4 شاعىن اۋدانى) 3 نىسان  ءسۇرىلدى.

قالانىڭ سىرتقى كەلبەتىنە نۇقسان كەلتىرەتىن، اباتتاندىرۋدى بۇزاتىن، تروتۋارلار مەن جول ۋچاسكەلەرىن قوقىس تاستايتىن زاڭسىز ورناتىلعان ستاسيونارلىق ەمەس ساۋدا وبەكتىلەرىمەن (سەسو) كۇرەسۋ ماقساتىندا الماتى قالاسى كاسىپكەرلىك جانە ينۆەستيسيالار باسقارماسى قالا اكىمى ەربولات دوسايەۆتىڭ تاپسىرماسى بويىنشا قاجەتتى شارالار قابىلداۋدا.

الماتى قالاسى كاسىپكەرلىك جانە ينۆەستيسيالار باسقارماسىنىڭ قىزمەتكەرلەرى  ولاردىڭ ساۋدا  جۇرگىزۋگە رۇقسات قۇجاتتارىنىڭ جوقتىعىن انىقتادى. زاڭسىز ورناتىلعان ساۋدا وبەكتىلەرىنىڭ يەلەرىمەن ءتۇسىندىرۋ جۇمىستارى جۇرگىزىلدى، سودان كەيىن كاسىپكەرلەر وبەكتىلەردى ءوز ەركىمەن بولشەكتەدى.

مەنشىك يەلەرى دەربەس سۇرۋدەن باس تارتقان جاعدايدا زاڭسىز ورناتىلعان ستاسيونارلىق ەمەس ساۋدا وبەكتىلەرى ءماجبۇرلى تارتىپپەن بولشەكتەلەتىن بولادى.

ادەتتە، زاڭسىز ورناتىلعان دۇڭگىرشەكتەر اباتتاندىرۋ ەرەجەلەرىن ساقتاماي، قالا قۇرىلىسى، سانيتارلىق-ەپيدەميولوگيالىق جانە ورتكە قارسى نورمالاردى بۇزا وتىرىپ، تروتۋارلار مەن جول جيەكتەرىندە ورنالاسقان.

ەسكە سالساق،الماتى اكىمى ەربولات دوسايەۆتىڭ تاپسىرماسى بويىنشا بيىل العاش رەت "الماتى قالاسىنىڭ اۋماعىندا جانە قالا ماڭىنداعى ايماقتا ستاسيونارلىق ەمەس ساۋدا وبەكتىلەرىن ورناتۋ ەرەجەلەرى" قابىلداندى، وندا ستاسيونارلىق ەمەس ساۋدا وبەكتىلەرىن ورناتۋ ءتارتىبى ناقتى ايقىندالعان. ەرەجەلەرمەن تولىعىراق https://adilet.zan.kz/rus/docs/V23R0001707 سىلتەمە ارقىلى تانىسۋعا بولادى. مونيتورينگ قورىتىندىسى بويىنشا 2022 جىلى الماتىدا 500-دەن استام زاڭسىز ورناتىلعان ستاسيونارلىق ەمەس ساۋدا وبەكتىلەرى انىقتالدى، ونىڭ ىشىندە بۇگىندە 120 نىسان  ءسۇرىلدى.