№2 بالالار قالالىق كلينيكالىق اۋرۋحاناسىنىڭ دارىگەرلەرى كوپقاباتتى ءۇيدىڭ ءۇشىنشى قاباتىنىڭ بالكونىنان قۇلاپ تۇسكەن 4 جاسار بالانى امان الىپ قالدى.

اۋرۋحانانىڭ باسپا ءسوز قىزمەتى ءمالىم ەتكەندەي، كىشكەنتاي ۇل بالا بالكوندا ورىندىققا شىعىپ، كوشەگە قاراماق بولعان كەزدە قۇلاپ كەتكەن. سونىمەن قاتار ۇيدە جانىندا ەرەسەك ادام بولماعان.

«بالانى جەدەل جاردەم بريگاداسى قابىلداۋ بولىمشەسىنە اۋىر جاعدايدا جەتكىزدى. الىپ كەلگەن كەزدە بالا دەرەۋ قارالدى، قاجەتتى ينسترۋمەنتالدى زەرتتەۋلەر، ونىڭ ىشىندە اعزاعا كومپيۋتەرلىك توموگرافيا جۇرگىزىلدى. بالا جانساقتاۋ بولىمشەسىنە جاتقىزىلدى. دارىگەرلەر بالانى تراۆمالىق ەسەڭگىرەۋدەن الىپ شىعىپ، ونىڭ جاعدايىن تۇراقتاندىردى»، - دەپ حابارلادى اۋرۋحانادان.

ءىش جاعىنىڭ توقتاماي اۋىرسىنۋىنا بايلانىستى مۋلتيتارتىپتىك كەڭەس وتكىزىلىپ، دياگنوستيكالىق لاپاروسكوپيالىق وتا جاساۋ تۋرالى شەشىم قابىلداندى، -دەپ جازدى قازاقپارات.

«بالادا كوزگە كورىنبەيتىن جاراقات بولدى. وعان حيرۋرگيالىق بولىمشەدە وتا جاسالدى. ءقازىر ونىڭ ومىرىنە ءقاۋىپ جوق. بالا جازىلىپ، ۇيگە شىقتى»، - دەدى ايتتى №2 بقكا ديرەكتورىنىڭ ورىنباسارى نازگۇل اسانوۆا.

بالالار دارىگەرلەرى اتا-انالاردان مۇقيات بولۋىن جانە كىشكەنتاي بالالاردى قاراۋسىز قالدىرماۋدى ءوتىنىپ سۇرايدى.