بۇگىن ۇكىمەت كۋلۋارىندا جۋرناليستەر باس پروكۋروردىڭ ورىنباسارى ۇلان بايجانوۆقا “زاڭسىز يەمدەلگەن اكتيۆتەردى قايتارۋ تۋرالى” زاڭ جوباسىنا قاتىستى سۇراق قويدى.
ۇلان بايجانوۆ "نازاربايەۆ وتباسىنىڭ مۇشەلەرى دە قۋدالانۋى مۇمكىن بە؟" دەگەن ساۋالعا ناقتى جاۋاپ بەرمەدى.
"ءقازىر پەرسونالدى تۇرعىدا بىردەڭە دەگىم كەلمەيدى. تاعى دا ايتايىن: زاڭدا سۋبەكتىلەردىڭ ناقتى تالاپتارى ايقىندالعان. ەگەر سىزدەر اتاعان وسى فاميليا (نازاربايەۆ)، سول وتباسىنىڭ مۇشەلەرى سول تالاپتارعا كىرسە، ءسوزسىز ولارعا دا زاڭ قولدانىلادى"، – دەيدى باس پروكۋروردىڭ ورىنباسارى.
ۇلان بايجانوۆتىڭ ايتۋىنشا، بۇگىنگە دەيىن قايرات ساتىبالدى مەن قايرات بورانبايەۆتىڭ ۇستىنەن ءىس قوزعالعانىن جانە ولاردىڭ ەلگە زاڭسىز شىعارىلعان اكتيۆتەر قايتارىلعان.
ەسكە سالساق، بۇگىن سەنات دەپۋتاتتارى "زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى" زاڭدى ماقۇلدادى. زاڭ پرەزيدەنتكە جىبەرىلدى.
پىكىر قالدىرۋ