سەنات دەپۋتاتتارى تۇڭعىش پرەزيدەنت نۇرسۇلتان نازاربايەۆتى ءوز اتىمەن اتالعان مەكتەپتەر، جوو جانە قوردىڭ جوعارعى كەڭەسىنىڭ باسشىسى مارتەبەسىنەن ايىراتىن زاڭدى ماقۇلدادى.
اتالعان زاڭ جوباسىنا سايكەس ەندى ەكس-پرەزيدەنت نازاربايەۆ زياتكەرلىك مەكتەپتەرى جوعارى قامقورشىلىق كەڭەسىنىڭ، نازاربايەۆ ۋنيۆەرسيتەتىنىڭ جانە نازاربايەۆ قورىنىڭ باسشىسى بولا المايدى. اتالعالعان مەكەمەنى پرەزيدەنت باسقاراتىن بولادى.
سونداي-اق، تۇزەتۋلەردە پرەزيدەنت تاعايىنداعان قازاقستان ازاماتى دا جوعارعى كەڭەستىڭ ءتوراعاسى بولا الادى دەلىنگەن. جوعارى قامقورشىلىق كەڭەس تۋرالى ەرەجەنى جوعارعى قامقورشىلىق كەڭەستىڭ ءتوراعاسى بەكىتەدى.
بۇدان باسقا، زاڭ جوباسى تاعى ءبىر وزگەرىستى كوزدەيدى: دارىندى بالالاردى نزم-دە وقىتۋعا اقى تولەۋگە ارنالعان "وركەن" ءبىلىم بەرۋ گرانتىن ەندى تۇڭعىش پرەزيدەنت ەمەس، مەملەكەت باسشىسى قۇراتىن بولادى.
پىكىر قالدىرۋ