سەنات نۇرسۇلتان نازاربايەۆتىڭ اتىمەن اتالاتىن مەكتەپتەر، جوو مەن قوردىڭ جوعارعى كەڭەسىنىڭ باسشىسى مارتەبەسىنەن ايىراتىن زاڭدى ماقۇلدادى.
قابىلدانعان زاڭ بويىنشا نازاربايەۆ ۋنيۆەرسيتەتى، نازاربايەۆ زياتكەرلىك مەكتەپتەرى مەن نازاربايەۆ قورى مارتەبەسى تۋرالى ق ر زاڭىنا مەملەكەت باسشىسىنىڭ دەربەس ءبىلىم بەرۋ ۇيىمدارىنىڭ جوعارى قامقورشىلىق كەڭەسىن قۇرۋ جونىندەگى وكىلەتتىكتەرىن ايقىنداۋ جونىندە تۇزەتۋلەر ەنگىزىلگەن.
زاڭعا سايكەس ق ر پرەزيدەنتى نەمەسە پرەزيدەنت تاعايىندايتىن تۇلعا جوعارى قامقورشىلىق كەڭەستىڭ ءتوراعاسى بولىپ تابىلادى. ال جوعارى قامقورشىلىق كەڭەس تۋرالى ەرەجەنى جوعارى قامقورشىلىق كەڭەستىڭ ءتوراعاسى بەكىتەدى.
سونىمەن قاتار، دارىندى بالالاردىڭ نازاربايەۆ زياتكەرىلك مەكتەپتەرىندە وقۋىن تولەۋگە ارنالعان "وركەن" ءبىلىم گرانتىن ەندى نازاربايەۆ ەمەس توقايەۆ بەلگىلەيتىن بولدى.
پىكىر قالدىرۋ