استانادا ۇلتتىق دومبىرا كۇنى قارساڭىندا «كۇي كۇمبىرى» اتتى دومبىراشىلار چەللەندجى ءوتتى. ولار «تەپەڭ كوك»، قۇرمانعازىنىڭ كۇيى «بالبىراۋىن» جانە ءابدىمومىن جەلدىبايەۆتىڭ «ەركە سىلقىم» كۇيىن ورىندادى.

ءىس-شاراعا 500-دەن استام وقۋشى جينالدى. ولار «تەپەڭ كوك»، قۇرمانعازىنىڭ كۇيى «بالبىراۋىن» جانە ءابدىمومىن جەلدىبايەۆتىڭ «ەركە سىلقىم» كۇيىن ورىنداپ، كورەرمەن قاۋىمدى ءتانتى ەتتى. چەللەندج جەتەكشىسى – استانا مەملەكەتتىك اكادەميالىق فيلارمونياسى قورقىت ەتنو-انسامبلىنىڭ كوركەمدىك جەتەكشىسى، كومپوزيتور شولپان قورعانبەك.

ونىڭ ايتۋىنشا، چەللەندجدىڭ نەگىزگى ماقساتى – ءبىلىم الۋشىلاردىڭ رۋحاني-ادامگەرشىلىك مادەنيەتىن، ەستەتيكالىق، پاتريوتتىق سەزىمدەرىن تاربيەلەۋ، ەلدىڭ مادەني مۇراسىن ساقتاۋ، بالالاردىڭ دومبىرادا ورىنداۋ ونەرىن ناسيحاتتاۋ.

ايتا كەتەرى، قازاقستاندا ۇلتتىق دومبىرا كۇنى 2018 جىلدان بەرى اتالىپ وتەدى. ال وتكەن جىلدان باستاپ قالانىڭ بارلىق مەكتەبىندە دومبىرا ۇيىرمەلەرى اشىلدى. بيىل ۇلتتىق اسپاپتا ويناۋمەن اينالىساتىن بالالاردىڭ سانى 2،5 مىڭعا ءوستى.