يزرايلدە 20 مىڭ ادام نارازىلىققا شىقتى

/image/2023/07/06/crop-13_61_552x981_izrail-dva_abb.webp

يزرايل حالقى قالا پوليسياسىنىڭ باسشىسى امي ەشەد قىزمەتتەن كەتكەننەن سوڭ جاپپاي نارازىلىققا شىقتى. كەشە تۇندە 20 مىڭعا جۋىق ادام ميتينگكە شىققان. امي ەشەد سوت رەفورماسىنا قارسى نارازىلىق اكسيالارىن تاراتۋ كەزىندە كۇش قولدانۋدان باس تارتقانى ءۇشىن تومەنگى لاۋازىمعا اۋىستىرعان. 

ەڭ ۇلكەن نارازىلىق اكسياسى تەل-اۆيۆتەگى ايالون تاس جولىندا ءوتتى. نارازى حالىق جولدى جاۋىپ تاستاعان. ال ءتۇن ورتاسىنان كەيىن ءتارتىپ ساقشىلارى نارازىلىق بىلدىرۋشىلەردى تاراتۋ ءۇشىن كوزدەن جاس اعىزاتىن گاز قولداندى.

كەيىن پوليسيا ءتارتىپ ساقشىلارى نارازىلىق بىلدىرۋشىلەردىڭ كوپشىلىگىن تاراتقانىن ايتتى. رەسمي دەرەك بويىنشا 15 ادام قاماۋعا الىندى.

ايتا كەتۋ كەرەك، يرازيلدە حالىق نارازىلىعى بىلتىردان بەرى باسىلماي كەلەدى.تۇرعىندار ءىرى قالالاردا كۇرە جولداردى جاۋىپ، دوڭگەلەكتەردى ورتەپ، كولىك قوزعالىسىنا كەدەرگى كەلتىرگەن.    


قاتىستى تەگتەر :

پىكىر قالدىرۋ

قاتىستى ماقالالار