2023 جىلى 5 شىلدەدە مامانداندىرىلعان اۋدانارالىق سوت وسكەمەندە وقۋشى قىزدى جابىلا سوققىعا جىققان كامەلەتكە تولماعان سوتتالۋشىلارعا قاتىستى ۇكىم شىعاردى. 

سوتتالۋشى ا. مەن ت. اقشا بوپسالاعاندارىن مويىندامادى، كىنانى ءىشىنارا مويىندادى. ايىپتالۋشى و. كىناسىن تولىق مويىندادى. سوتتالۋشىلاردىڭ كىناسى جابىرلەنۋشىنىڭ، كۋاگەرلەردىڭ ايعاقتارىمەن، بەينەجازبالارمەن، زاتتاي دالەلدەمەلەرمەن راستالعان. 

سونىمەن قاتار، سوت O-نىڭ شىن جۇرەكتەن وكىنىش ءبىلدرۋى جانە كىناسىن مويىنداۋىن جەڭىلدەتەتىن جاعدايلار دەپ تانىدى.

سوتتالۋشىلاردىڭ اسا قاتىگەزدىكپەن، ساديزممەن، قورقىتۋ-ۇركىتۋمەن، سونداي-اق جابىرلەنۋشىنى ازاپتاۋ سيپاتىنداعى قىلمىستىق قۇقىق بۇزۋشىلىقتارى قىلمىستىق جاۋاپتىلىعى مەن جازاسىن اۋىرلاتاتىن ءمان-جاي رەتىندە تانىلدى.

"ءىستىڭ ءمان-جايىن جانە سوتتالۋشىلاردىڭ جەكە باسىن، جابىرلەنۋشىلەردىڭ پىكىرلەرىن، قۇقىققا قايشى ارەكەتتەردىڭ سيپاتىن، زالالدى وتەۋدىڭ ورىندالماۋىن ەسكەرە وتىرىپ، ا. مەن ت-عا قاتىستى ق ر قك  293-بابى 2-بولىگى 1-تارماعىنىڭ بويىنشا 1 جىل باس بوستاندىعىن شەكتەۋ، ق ر قك 194-بابى، 2-بولىگى 1،2-تارماعى بويىنشا 3 جىل مەرزىمگە باس بوستاندىعىنان ايىرۋ تۇرىندە جازا تاعايىندادى، سوندا تۇپكىلىكتى جازا - 3 جىل باس بوستاندىعىنان ايىرۋ. و-عا 1 جىل مەرزىمگە باس بوستاندىعىن شەكتەۋ تۇرىندە جازا تاعايىندالدى"، دەپ حابارلايدى شقو كامەلەتكە تولماعاندار ءىسى جونىندەگى مامانداندىرىلعان اۋدانارالىق سوتىنىڭ باسپا ءسوز قىزمەتى. 

جابىرلەنۋشىنىڭ پايداسىنا 9 000 000 تەڭگە سوماسىندا مورالدىق زالادى وتەماقى ءوندىرىلدى. سوت ۇكىمى زاڭدى كۇشىنە ەنگەن جوق.