اتىراۋ وبلىستىق پروكۋراتۋراسى ادام ازاپتادى دەگەن كۇدىككە ىلىنگەن اتىراۋ قالالىق پوليسيا باسقارماسىنىڭ 5 جەدەل ۋاكىلىنە قاتىستى قىلمىستىق ءىستى سوتقا جولدادى.
ۆەدومستۆو مالىمەتىنشە، ولار بيىلعى جىلدىڭ اقپانىندا الدىن-الا ءسوز بايلاسىپ، ر-ەسىمدى ازاماتقا قىلمىستى مويىنداتپاق بولعان. قيتۇرقى ماقساتىن جۇزەگە اسىرۋ ءۇشىن رۇقسات ەتىلمەگەن ادىستەر قولدانىپ، ازاماتتىڭ تانىنە جانە پسيحيكالىق زارداپ كەلتىردى دەگەن كۇدىككە ءىلىندى.
"ەلىمىزدىڭ اتا زاڭى كەپىلدىك بەرگەندەي، ەشكىمدى ازاپتاۋعا، وعان زورلىق-زومبىلىق جاساۋعا، باسقاداي قاتىگەزدىك نەمەسە ادامدىق قادىر-قاسيەتىن قورلايتىنداي ءجابىر كورسەتۋگە نە جازالاۋعا بولمايدى جانە زاڭدى نەگىزدەردى قوسپاعان جاعدايلاردى قىلمىستىق قۋدالاۋ وربيتاسىنا تارتۋعا جول بەرىلمەيدى"، – دەدى پروكۋراتۋرا.
پىكىر قالدىرۋ