شىمكەنتتىڭ مامانداندىرىلعان اۋدانارالىق سوتىندا 41 جاستاعى ەر ادامعا قاتىستى ۇكىم شىقتى. تەرگەۋ مالىمەتىنشە، ول دوسىن ەكى رەت اتىپ ولتىرگەن.

كىسى ءولتىرۋ وقيعاسى شىمكەنتتە 19 جىل بۇرىن بولعان، قىلمىسكەر تابىلماعان. ءىس بيىل قايتا قوزعالدى. قىلمىس جاسادى دەگەن كۇدىكپەن 41 جاستاعى ەر ادام ۇستالدى.

تەرگەۋ مالىمەتتەرى بويىنشا، سوتتالۋشى ءوزىنىڭ دوسىن وشپەندىلىكتەن اتىپ ولتىرگەن. ايعاقتاردان قۇتىلۋ ءۇشىن ول مارقۇمنىڭ كيىمدەرىن ورتەپ، ءمايىتتى كوشەدەگى سەپتيككە لاقتىرىپ، تاقتايشالارمەن ءۇستىن جاۋىپ قويعان.

19 جىل بۇرىن كىسى ولتىرگەنى ءۇشىن ەر ادام 10 جىلعا باس بوستاندىعىنان ايىرىلدى. ول جازاسىن ورتاشا قاۋىپسىزدىك مەكەمەسىندە وتەيتىن بولدى.

ءىس بويىنشا تاعى ءبىر ادام كۋاگەر بولعان، ءقازىر ونىڭ ۇستىنەن ءىس قوزعالدى. ءقازىر ول رەسەيدە تۇرادى، كورشى ەلدىڭ ازاماتى. سوتتالۋشى ءوز كىناسىن مويىنداماي، ولتىرگەن سول كۋاگەر ەكەنىن ايتتى.

دەرەككوز: Orda.kz