استانا قالاسىنىڭ ءدىن ىستەرى باسقارماسى جەرلەۋ ءراسىمى مەن زيرات كۇتىمى بويىنشا جاڭا ەرەجەلەر بەكىتۋى مۇمكىن. بۇل تۋرالى ءدىن ىستەرى باسقارماسىنىڭ باسشىسى نۇرداۋلەت ءالمۇحانوۆ مالىمدەدى.
"ءقازىر جەرلەۋ بويىنشا ارنايى ەرەجەلەر ازىرلەپ جاتىرمىز. وندا قۇلپىتاس بيىكتىگى 1 مەتردەن اسپاۋى كەرەك. زيرات قورشالىپ، كۇتىم جاسالۋى قاجەت. جەر كودەكسىنە سايكەس، جەرلەۋ ءۇشىن 2ح3 شارشى مەتر جەر تەگىن بەرىلەدى، ءبىراق كوپ ادام باسقا تۋىستارى ءۇشىن ەكى ورىن سۇرايدى. سوندىقتان جەرلەۋ تۋرالى ەرەجەگە تولىقتىرۋلار ەنگىزەمىز"- دەدى ءدىن ىستەرى باسقارماسىنىڭ باسشىسى نۇرداۋلەت ءالمۇحانوۆ ءماسليحات وتىرىسىندا.
ونىڭ ايتۋىنشا، قالاداعى 28 زيراتتىڭ 16-سىنىڭ عانا قۇجاتتارى رەتتەلگەن. ال سانيتارلىق نورماعا سايكەس، زيرات پەن تۇرعىن ءۇي اراسىندا 300 مەتر قاشىقتىق ساقتالۋى شارت.
پىكىر قالدىرۋ