قوستانايدا 5 ازامات جالعان ۆاليۋتا وتكىزۋمەن اينالىسقان. بۇگىندە 30 مىڭ جالعان دوللاردىڭ 28 600ء-ى سوتقا دەيىنگى تەرگەۋ بارىسىندا تاركىلەنگەن. 

س. شاراپييەۆ ۆاليۋتا تاۋىپ اكەلۋمەن اينالىسسا، ت. جاكۋپوۆ جانە ا. شايمەردينوۆ ونى قوستاناي وبلىسىنىڭ اۋماعىندا ساتقان. ال ەرلى-زايىپتى بەردىمۇراتوۆتار جالعان اقشانى استانا اۋماعىندا تاراتقان.

سوتتالۋشىلارعا "جالعان اقشا نەمەسە باعالى قاعازدار جاساۋ، ساقتاۋ، الىپ ءوتۋ نەمەسە وتكىزۋ" بابى مەن جابىرلەنۋشىلەردى الداۋ فاكتىلەرى بولعاندىقتان "الاياقتىق" بابى بويىنشا ايىپ تاعىلدى.

سوت ۇكىمىمەن س. شاراپييەۆ 5،5 جىلعا باس بوستاندىعىنان ايىرىلدى. ول جازاسىن ەڭ تومەنگى قاۋىپسىزدىك مەكەمەسىندە وتەيدى.

ا. شايمەردينوۆ پەن ت. جاكۋپوۆ ورتاشا ءقاۋىپسىز مەكەمەدە 5،5 جىل وتىرادى، ال بەردىمۇراتوۆتار شارتتى تۇردە 5 جىل 2 ايعا باس بوستاندىعىنان ايىرىلدى.