20 شىلدەدە تۇركىستان وبلىسى سارىاعاش اۋدانى جىبەك جولى اۋىلىندا كورشىسىنىڭ قولىنان قازا تاپقان بەس جاسار ءسابيدىڭ جەتىسىنە جينالعان جۇرت نارازىلىققا شىعىپ، تەرگەۋدى ءادىل وتكىزۋدى تالاپ ەتتى.
ءبىر توپ ايەل "پەدوفيلدەرگە ءولىم!"، "ءادىل سوت بولسىن!" دەگەن جازۋى بار پلاكات ۇستاپ، جىبەك جولى اۋىلىنىڭ ىشىمەن ءوتىپ، قازاق-وزبەك شەكارا بەكەتىنە اپاراتىن كۇرە جولدى جاپقان. وقيعا ورنىنا پوليسيا مەن ارنايى جاساق كەلگەن. بۇل تۋرالى ازاتتىق راديوسى حابارلادى.
جينالعانداردىڭ ايتۋىنشا، قىزدىڭ ولىمىنە بايلانىستى تەرگەۋگە تاعى ءبىر كۇدىكتى شاقىرىلعان، كەيىن ونى بوساتقان. تۇرعىندار "سوت-مەديسينالىق ساراپتاما قورىتىندىسى شىقپاي، كۇدىكتىنى شىعارۋعا بولمايدى" دەپ تالاپ قويعان.
پىكىر قالدىرۋ