ەلىمىزدە اقىلى مەكتەپتەردە ءبىلىم الۋعا اتا-انالار تولەيتىن تولەماقى مولشەرى 2 ەسەگە قىسقارتىلماق.

«ورتا ءبىلىم بەرۋگە مەملەكەتتىك ءبىلىم بەرۋ تاپسىرىسىن الاتىن جانە مىنالاردى: رەسپۋبليكالىق بيۋدجەت تۋرالى زاڭدا بەلگىلەنگەن ايلىق ەسەپتىك كورسەتكىشتىڭ 600 ەسەلەنگەن مولشەرىندە جانە ءتيىستى قارجى جىلىنىڭ 1 قاڭتارىنا قولدانىستا بولاتىن باستاۋىش، نەگىزگى ورتا جانە جالپى ورتا ءبىلىمنىڭ جالپى ءبىلىم بەرەتىن وقۋ باعدارلامالارىن؛ رەسپۋبليكالىق بيۋدجەت تۋرالى زاڭدا بەلگىلەنگەن جانە ءتيىستى قارجى جىلىنىڭ 1 قاڭتارىنا قولدانىستا بولاتىن ايلىق ەسەپتىك كورسەتكىشتىڭ 1 200 ەسەلەنگەن مولشەرىندە حالىقارالىق باكالاۆريات ۇيىمىندا اۆتورلاندىرۋدان نەمەسە حالىقارالىق ينستيتۋسيونالدىق اككرەديتتەۋدەن وتكەن دەربەس ازىرلەنگەن ينتەگراسيالانعان ءبىلىم بەرۋ باعدارلامالارىن ىسكە اسىراتىن جەكەمەنشىك ورتا ءبىلىم بەرۋ ۇيىمدارىنداعى وقۋعا اتا-انا تولەماقىسىنىڭ شەكتى مولشەرى بەكىتىلسىن»، - دەلىنگەن اشىق نقا پورتالىندا جاريالانعان وقۋ-اعارتۋ ءميينسترى بۇيرىعىنىڭ جوباسىندا.

مەملەكەتتىك ءبىلىم بەرۋ تاپسىرىسىن الاتىن جەكەمەنشىك ورتا ءبىلىم بەرۋ ۇيىمدارىنداعى وقۋعا اتا-انا تولەماقىسىنىڭ شەكتى مولشەرىنە ءبىلىم الۋشىلاردىڭ تۇرۋ (ينتەرناتتىق ۇيىمدار)، ولاردى جەكەمەنشىك ورتا ءبىلىم بەرۋ ۇيىمىنا جەتكىزۋ جانە (نەمەسە) كەرى قاراي تاسىمالداۋ، مەملەكەتتىك جالپىعا مىندەتتى ءبىلىم بەرۋ ستاندارتتارىنان تىس قوسىمشا ءبىلىم بەرۋ قىزمەتتەرى مەن ءبىلىم بەرۋ، سونداي-اق ەرىكتى تۇردە جۇزەگە اسىرىلاتىن ءبىلىم الۋشىلاردىڭ تاماقتانۋى ءۇشىن تولەماقى قوسىلمايدى.

ايتا كەتەيىك، بۇعان دەيىن باستاۋىش، نەگىزگى ورتا جانە جالپى ورتا ءبىلىم بەرەتىن جەكەمەنشىك ۇيىمدارداعا اتا-انالاردىڭ تولەماقىسى 1 200 اەك-تى، ال حالىقارالىق باكالاۆريات ۇيىمىندا اۆتورلاندىرۋدان نەمەسە حالىقارالىق ينستيتۋسيونالدىق اككرەديتتەۋدەن وتكەن دەربەس ازىرلەنگەن ينتەگراسيالانعان ءبىلىم بەرۋ باعدارلامالارىن ىسكە اسىراتىن جەكەمەنشىك ۇيىمدارىندا 2 400 اەك-تى قۇراعان بولاتىن.

ەلىمىزدە 1 اەك 3 450 تەڭگەنى قۇرايدى.