جەتىسۋ وبلىسىنىڭ ءبىلىم بەرۋ سالاسىندا جىمقىرىلعان قارجى كولەمى 4،4 ملرد تەڭگەگە جەتتى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگى مالىمدەدى.
ۆەدومستۆو قىزمەتكەرلەرى تالدىقورعان قالاسى ءبىلىم بەرۋ ءبولىمى باسشىسىنىڭ ۇرلىققا كوز جۇما قاراعانى ءۇشىن 280 ملن تەڭگە كولەمىندە پارا العانىن انىقتاعان. ال مەكەمە ەسەپشىسىنەن 1 ملرد تەڭگە تاركىلەندى.
ال اقتوبە وبلىسىندا ريەۆيزيالىق كوميسسياسىنىڭ مەملەكەتتىك اۋديتورى 500 مىڭ تەڭگە اقشا العانى ءۇشىن 15 ملن تەڭگە ايىپپۇل ارقالاعان.
ءقازىر ءبىلىم بەرۋ سالاسىندا جەمقورلىق بويىنشا 100-دەن استام قىلمىستىق ءىس تىركەلگەن. ۇرلانعان قارجىنىڭ كولەمى 8 ملرد تەڭگەگە دەيىن جەتەدى.
پىكىر قالدىرۋ