الماتىداعى "اقكەنت" تۇرعىن ءۇي كەشەنىندەگى الاپات ءورت وقيعاسى بويىنشا ەكى قىلمىستىق ءىس قوزعالدى. بۇل تۋرالى الماتى قالالىق تجد باستىعىنىڭ مىندەتىن اتقارۋشى پولكوۆنيك ەرلان الىبەكوۆ ايتتى.
"ءورت فاكتىسى بويىنشا قالالىق پروكۋراتۋرا ۆەدومستۆوارالىق تەرگەۋ جەدەل توبىن قۇردى، ونىڭ قۇرامىنا انىقتاۋشىلار كىردى. ەكى قىلمىستىق ءىس قوزعالدى. ورت-تەحنيكالىق ساراپتامالار تاعايىندالدى. قازىرگى ۋاقىتتا جەدەل تەرگەۋ ارەكەتتەرى جۇرگىزىلۋدە"، - دەدى ول باسپا ءسوز ءماسليحاتىندا.
ەسكە سالايىق، ءبىز بۇعان دەيىن الماتىدا 16 قاباتتى ۇيدە ءورت بولعانىن حابارلاعانبىز. قىزىل جالىن ساعات 18:46 كەزىندە وقشاۋلانىپ، ءسوندىرىلدى.
31 ادام، ونىڭ ىشىندە 16 بالا اۋرۋحاناعا جەتكىزىلگەن بولاتىن. امالى قالماعان تۇرعىندار بالالارىن تەرەزەدەن لاقتىردى. زارداپ شەككەندەردىڭ ىشىندە 2 جۇكتى ايەل بار. كەيىن الماتى قالالىق دەنساۋلىق ساقتاۋ باسقارماسى ءبىر ادامنىڭ قازا تاپقانىن حابارلادى.
پىكىر قالدىرۋ