قاراعاندى وبلىسىندا 31 شىلدەدە دولينكا اۋىلىنداعى ورتاشا قاۋىپسىزدىك كولونياسىندا جازاسىن وتەپ جاتقان ەر ادام قاشىپ كەتتى، دەپ حابارلايدى قاراعاندى وبلىسىنىڭ قىلمىستىق اتقارۋ جۇيەسى دەپارتامەنتىنىڭ باسپا ءسوز قىزمەتى. سوتتالۋشى سول كۇنى ۇستالعان.
ەر ادام مەكەمەنىڭ قورعالاتىن اۋماعىنان تىس جەردە جوندەۋ جۇمىستارىنا تارتىلعان.
"جەدەل-ىزدەستىرۋ ءىس-شارالارى بارىسىندا بىرنەشە ساعات ىشىندە قاشىپ كەتكەن ادامدى جەدەل ۋاكىلدەر ۇستادى"، – دەلىنگەن حابارلامادا.
سونداي-اق، اتالعان فاكتى بويىنشا قاراعاندى وبلىسىنىڭ پوليسيا دەپارتامەنتى قىلمىستىق كودەكستىڭ 426-بابى "باس بوستاندىعىنان ايىرۋ ورىندارىنان نەمەسە قاماۋدان قاشۋ" بويىنشا سوتقا دەيىنگى تەرگەۋ جۇرگىزىپ جاتىر. كولونيادا قىزمەتتىك تەرگەۋ باستالدى.
ۆەدومستۆونىڭ مالىمەتىنشە، 29 جاستاعى ەر ادام ۇرلىق جاساعانى ءۇشىن سوتتالعان، جالپى مەرزىمى 4 جىلعا باس بوستاندىعىنان ايىرىلعان.
پىكىر قالدىرۋ