سەمەيدە قاڭتار وقيعاسى كەزىندە يزولياتوردا قازا بولعان ازاماتتىڭ ولىمىنە بايلانىستى پوليسيا قىزمەتكەرىنە ۇكىم شىقتى.
2 تامىزدا سەمەي قالاسىنىڭ №2 سوتى قاڭتار وقيعاسى كەزىندە ۋاقىتشا قاماۋ يزولياتورىندا قازا بولعان ەلدوس قالييەۆتىڭ ولىمىنە بايلانىستى ايىپتى دەپ تانىلعان پوليسيا قىزمەتكەرى 6 جىلعا سوتتالدى.
سەمەي قالالىق پوليسيا باسقارماسىنىڭ قىلمىستىق پوليسيا ءبولىمىنىڭ جەدەل ۋاكىلى ايدىن ازانبايەۆ جازاسىن قاۋىپسىزدىگى ورتاشا مەكەمەدە وتەيدى. بۇل تۋرالى "ۆلاست" سايتىنا سىلتەمە جاساپ، ازاتتىق راديوسى حابارلادى.
ازاماتتىق بەلسەندى جانە قۇقىق قورعاۋشى ءاليا يسەنوۆانىڭ حابارلاۋىنشا، پوليسيا قىزمەتكەرى ازانبايەۆ مارقۇم قالييەۆتىڭ جاقىندارىنا 9 ملن تەڭگە وتەماقى تولەۋگە ءتيىس.
ايدىن ازانبايەۆقا "ازاپتاۋ" جانە "بيلىك وكىلەتىن اسىرا پايدالانۋ" باپتارى بويىنشا ايىپ تاعىلعان. تەرگەۋ ورگاندارىنىڭ حابارلاۋىنشا، ول "انىقتالماعان ادامدارمەن" ەلدوس قالييەۆتى ازاپتاعان.
پىكىر قالدىرۋ