جىل باسىنان بەرى پايدالانىلماي تۇرعان جانە زاڭسىز ساتىلعان 1،8 ملن گەكتار اۋىل شارۋاشىلىق جەرى مەملەكەت مەنشىگىنە قايتارىلدى.
"جىل سوڭىنا دەيىن مەملەكەت مەنشىگىنە جالپى كولەمى 5 ملن گەكتار جەردى قايتارۋ جوسپارى بار. مەملەكەتتىك مەنشىككە قايتارىلعان جەرلەر ءبىرىنشى كەزەكتە حالىقتى جايىلىمدىق جەرلەرمەن قامتاماسىز ەتۋگە باعىتتالادى. قايتارىلعان جەرلەر اۋدانداردىڭ رەزەرۆىنە قويىلادى. حالىق ءتيىستى جايىلىم جەرلەرمەن قامتىعان كەيىن قالعان بولىگى كونكۋرسقا شىعارىلادى"، – دەپ مالىمدەدى اۋىل شارۋاشىلىق مينيسترلىگى.
بۇل تۋرالى قازاقپارات اگەنتتىگىنە سىلتەمە جاساپ، Informburo.kz جازدى. مينيسترلىكتىڭ حابارلاۋىنشا، جايىلىم تۋرالى زاڭناماعا وزگەرىستەر مەن تولىقتىرۋلار ەنگىزىلىپ جاتىر.
"قازىرگى ۋاقىتتا پارلامەنت ءماجىلىسى دەپۋتاتتارىنىڭ باستاماسىمەن ازىرلەنگەن "جايىلىمداردى پايدالانۋ ماسەلەلەرى بويىنشا قازاقستاننىڭ كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى" زاڭ جوباسى اياسىندا ەلدى مەكەندەرگە ىرگەلەس جاتقان جايىلىمدىق جەرلەردى باسقا القاپتارعا اۋىستىرۋعا تىيىم سالۋ بولىگىنە، جەر كودەكسىنە، سونداي-اق "جايىلىمدار تۋرالى" زاڭعا رۇقسات ەتىلگەن جۇكتەمە نورماسىن 20-دان 50 پايىزعا دەيىن ارتتىرۋ بويىنشا تۇزەتۋ ەنگىزىلگەلى جاتىر. جەرگىلىكتى اتقارۋشى ورگاندار اتالعان زاڭعا ەنگىزىلەتىن وزگەرىستەردى نازارعا الا وتىرىپ حالىقتى جايىلىم جەرىمەن قامتۋدى جەرگىلىكتى دەڭگەيدە شەشۋى كەرەك"، – دەدى حابارلامادا.
پىكىر قالدىرۋ