قاسىم-جومارت توقايەۆتىڭ جارلىعىمەن پرەزيدەنت اكىمشىلىگىندە ءبىرقاتار ءاۋىس-تۇيىس بولدى. 

مەملەكەت باسشىسىنىڭ ۇكىمىمەن:

رۋسلان سۇلتان ۇلى جەلدىباي – قازاقستان رەسپۋبليكاسى پرەزيدەنتىنىڭ ىشكى ساياسات ماسەلەلەر جانە كوممۋنيكاسيالار جونىندەگى كومەكشىسى؛

ەرجان حوزە ۇلى قازىحان – قازاقستان رەسپۋبليكاسى پرەزيدەنتىنىڭ حالىقارالىق ماسەلەلەر جونىندەگى كومەكشىسى؛

ەرجان نۇرلان ۇلى جيەنبايەۆ – قازاقستان رەسپۋبليكاسى پرەزيدەنتىنىڭ قۇقىقتىق ماسەلەلەر جونىندەگى كومەكشىسى لاۋازىمىنا تاعايىندالدى.

مۇرات قاليبەك ۇلى بايمۇقاشيەۆ قازاقستان رەسپۋبليكاسى قاۋىپسىزدىك كەڭەسى حاتشىسىنىڭ ورىنباسارى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى؛

قاناتبەك باقىت ۇلى جايساڭبايەۆ قازاقستان رەسپۋبليكاسى پرەزيدەنتى اكىمشىلىگىنىڭ وتىنىشتەردى قاراۋدى باقىلاۋ ءبولىمىنىڭ مەڭگەرۋشىسى لاۋازىمىنا تاعايىندالدى؛

رۋسلان مۇحتار ۇلى تۇرعانالى قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك قىزمەت ءبولىمىنىڭ مەڭگەرۋشىسى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى؛

الەكسەي دميترييەۆيچ كالايچيدي قازاقستان رەسپۋبليكاسى پرەزيدەنتى اكىمشىلىگىنىڭ قۇقىق قورعاۋ جۇيەسى ءبولىمىنىڭ مەڭگەرۋشىسى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى؛

راسۋل قابدوللا ۇلى ورازعۇلوۆ قازاقستان رەسپۋبليكاسى قاۋىپسىزدىك كەڭەسىنىڭ قاۋىپسىزدىكتىڭ وزەكتى ماسەلەلەرى ءبولىمىنىڭ مەڭگەرۋشىسى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى؛

ايدىن جەڭىس ۇلى قۇلسەيىتوۆ قازاقستان رەسپۋبليكاسى پرەزيدەنتى اكىمشىلىگىنىڭ الەۋمەتتىك-ەكونوميكالىق ساياسات ءبولىمىنىڭ مەڭگەرۋشىسى بولىپ تاعايىندالىپ، بۇرىنعى لاۋازىمىنان بوساتىلدى؛

ەرنار لازار قازاقستان رەسپۋبليكاسى پرەزيدەنتى اكىمشىلىگىنىڭ سىرتقى ساياسات ءبولىمىنىڭ مەڭگەرۋشىسى بولىپ تاعايىندالىپ، بۇرىنعى اتقارعان لاۋازىمىنان بوساتىلدى.