توقايەۆ پرەزيدەنت اكىمشىلىگىنىڭ قۇرىلىمىن قايتا قۇرۋ تۋرالى جارلىققا قول قويىپ، پرەزيدەنت اكىمشىلىگىنىڭ شەنەۋنىكتەرىن جۇمىستان بوساتتى. 

قۇجاتقا سايكەس پرەزيدەنت اكىمشىلىگىنىڭ جاڭارتىلعان قۇرىلىمىنا كىرەدى:

▪️ پرەزيدەنت اكىمشىلىگىنىڭ باسشىسى؛
▪️ قاۋىپسىزدىك كەڭەسىنىڭ حاتشىسى؛
▪️ پرەزيدەنت كەڭسەسىنىڭ باستىعى؛
▪️ پرەزيدەنتتىڭ كومەكشىلەرى؛
▪️ پرەزيدەنتتىڭ كەڭەسشىلەرى؛
▪️ پرەزيدەنت اكىمشىلىگىنىڭ بولىمدەرى.

اقوردانىڭ حابارلاۋىنشا، پرەزيدەنت اكىمشىلىگى باسشىسىنىڭ ورىنباسارلارى لاۋازىمدارى الىنىپ تاستالدى. پرەزيدەنت اكىمشىلىگىنىڭ قايتا قۇرىلۋىنا بايلانىستى قىزمەتىنەن بوساتىلعاندار:

تيمۋر سۇلەيمەنوۆ – پرەزيدەنت اكىمشىلىگى باسشىسىنىڭ ءبىرىنشى ورىنباسارى؛

ەرجان جيەنبايەۆ، ايدا بالايەۆا، ەرنار باسپايەۆ – پرەزيدەنت اكىمشىلىگى باسشىسىنىڭ ورىنباسارلارى؛

رۋسلان جەلدىباي – باسپا ءسوز حاتشىسى؛

اسەت يسەكەشيەۆ جانە جايسانبايەۆ قاناتبەك – پرەزيدەنتتىڭ كومەكشىلەرى؛

قازىحان ەرجان – حالىقارالىق ىنتىماقتاستىق جونىندەگى ارنايى وكىل؛

ءالتاير احمەتوۆ – مەملەكەتتىك باسقارۋ ءبولىمىنىڭ مەڭگەرۋشىسى؛

بايتۇقبايەۆ ەرلان –قاۋىپسىزدىك كەڭەسى حاتشىلىعىنىڭ مەڭگەرۋشىسى؛

ازامات دۇيسەمبەكوۆ – قاۋىپسىزدىك كەڭەسىنىڭ قۇقىق قورعاۋ جۇيەسى دەپارتامەنتىنىڭ مەڭگەرۋشىسى؛

ەرنازار راقىمجان – ستراتەگيالىق جوسپارلاۋ ءبولىمىنىڭ مەڭگەرۋشىسى.