بۇگىن ماجىلىستە دەپۋتات ەرمۇرات باپي تاعى ءدىن ماسەلەسىن كوتەردى، دەپ حابارلايدى Qamshy.kz.

ەرمۇرات باپي بۇعان دەيىنگى دەپۋتاتتىق ساۋالىن الەۋمەتتىك جەلىدە بۇرمالام، يسلامعا قارسى دەپ اقپارات تاراتىپ جۇرگەنىن ايتتى. 

"مەملەكەتتىك ۇلتتىق تۇتاستىعى مەن حالقىمىزدىڭ ءداستۇرلى ءدىنىن، ۇرپاعىمىزدىڭ بولاشاعىن قاتەرگە بايلاپ قويا المايمىز. ءبىز ۇلتتىق قادىر-قاسيەتىمىزدى ساقتايمىز دەسەك ەلدىڭ ىشىنە كىرگىزىپ العان جات ءدىني اعىمدى اقىل-سانادان دا، اۋىل مەن قالادان دا قۋىپ شىعۋعا مىندەتتىمىز. ءبىراق دەپۋتاتتار قاققان دابىلدى يسلام دىنىنە قارسى شىقتى دەپ ريناتتىڭ 80 پايىزى سياقتى تالقىلاپ، داۋ شىعارىپ ءجۇر. ەسكەرتە كەتەيىن، بىزدەر يسلامعا ەلدەگى ابۋ حانيفا مازحابىنا قارسى ەمەسپىز. ءبىز ءسالافيزم مەن ۋاھابيزم يدەياسىنا قارسىمىز"، دەدى ەرمۇرات باپي. 

ءماجىلىس ءتوراعاسى ەرلان قوشانوۆ بۇعان دەيىن 3 دەپۋتاتتىڭ جات اعىمعا قاتىستى ماسەلەنى كوتەرگەنىن ەسكە سالىپ، ۇكىمەتتەن ناقتى جاۋاپ كۇتەتىنىن ايتتى.