قازاقستان عىلىم جانە جوعارعى ءبىلىم مينيسترلىگى عىلىمي مەكەمە قىزمەتكەرلەرىن اشارشىلىق پەن رەپرەسسياعا "باعا بەرمەۋگە" شاقىرعان نۇسقاۋلىعىنىڭ كۇشىن جويدى، دەپ حابارلايدى ازاتتىق.
مينيسترلىكتىڭ رەسمي وكىلى ەرجان بايتانايەۆتىڭ ايتۋىنشا، قوعامدا قىزۋ تالقىلانعان نۇسقاۋلىقتى عىلىم كوميتەتى ءوز بەتىنشە دايىنداپ، تاراتىپ جىبەرگەن
"حات [عىلىم] كوميتەت قىزمەتكەرلەرىنىڭ جەكە باستاماسى ەكەنىن باسا ايتامىز جانە حاتتى جوعارى تۇرعان ۆەدومستۆونىڭ الدىن الا رۇقساتىنسىز جاريالانعان. بۇل حات تەك ۇسىنىس سيپاتىندا بولدى جانە ونىڭ ەشقانداي زاڭدى كۇشى جوق"، - دەدى مينيسترلىكتىڭ رەسمي وكىلى.
بايتانايەۆ ءقازىر كوميتەت داۋ تۋعىزعان حاتتى كەرى قايتارىپ الىپ، وعان بايلانىستى ىشكى تەكسەرىس جۇرگىزىپ جاتقانىن ايتادى.
ەسكە سالساق، بۇعان دەيىن الەۋمەتتىك جەلىدە عالىمدارعا اشارشىلىق، وتارلاۋ ساياساتى تۋرالى ماتەريال دايىنداۋعا جانە ەلدەگى حيدجاب سەكىلدى داۋلى ماسەلەلەرگە قاتىستى پىكىر بىلدىرۋگە تىيىم سالىنعان نۇسقاۋلىقتىڭ فوتوسى تاراعان.
پىكىر قالدىرۋ