الەۋمەتتىك جەلىدە شەتەلدەن كەلىپ اناسىن ىزدەپ جۇرگەن جانىبەكتىڭ اكەسىنە قاتىستى اقپارات پايدا بولدى. بۇل تۋرالى "بارمىسىز، باۋىرىم؟" حابارىنىڭ جۇرگىزۋشىسى قىمبات جوسجان حابارلادى. 

“قۇدايعا شۇكىر. ەر-ازاماتتار ويانا باستادى. "مەن جانىبەكتىڭ اكەسى بولۋىم مۇمكىن، دنق اناليز تاپسىرايىنشى" دەپ ءبىر باۋىرجان ەسىمدى ەر جىگىت حابارلاستى. بۇگىن اسەل اسقارقىزىمەن بىرگە كلينيكاعا بارىپ، باۋىرجان قان تاپسىردى. ەندى ناتيجەسىن كۇتەيىك، - دەپ جازدى جۋرناليست.

بۇعان دەيىن «جانىبەكتىڭ (Jani Eddy J Saveliev) اناسى بولۋى مۇمكىن» دەگەن كەلىنشەك دنق ساراپتاماسىن تاپسىرعان ەدى. ءوزىن مۇرات دەپ اتاعاندى ۇناتاتىن بەلگيالىق بالانىڭ ءۇمىتى اقتالمادى. دنق ساراپتاماسى تەرىس ناتيجە كورسەتتى.

ەستەرىڭىزگە سالساق، الەۋمەتتىك جەلىدە شەتەلدە تۇراتىن جانىبەك ەسىمدى (قازىرگى قۇجاتىندا ەددجان) جاس جىگىتتىڭ قازاقستانعا كەلىپ، اناسىن ىزدەپ جاتقانى تۋرالى ۆيدەو جاريالانعان ەدى. بەلگىلى بولعانداي، جانىبەك 2002 جىلى 17 قاڭتاردا ارقالىقتا تۋعان. 2004 جىلى سول قالاداعى بالالار ۇيىنەن قازىرگى بەلگيالىق وتباسى، ياعني جالعىزباستى اناسى اسىراپ الۋعا الىپ كەتكەن.