مينيسترلىكتىڭ باسپا ءسوز قىزمەتىنىڭ حابارالاۋى بويىنشا، ۆەدومستۆونىڭ Telegram-ارناسىندا دەنساۋلىق ساقتاۋ ءمينيسترى وتستاۆكاعا كەتەتىنى تۋرالى پەتيسيا قاتە جاريالانىپ كەتكەن.

"بۇل جازبا وسى پەتيسيانى تەرىسكە شىعارۋ ماقساتىنداعى ماتەريالدى جاريالاۋ كەزىندە ينتەرنەت دۇرىس ىستەمەۋىنە بايلانىستى شىعارىلدى. پەتيسيانىڭ مازمۇنى شىندىققا جاناسپايتىندىقتان، ازاماتتاردى جالعان اقپاراتقا سەندىرەتىندىكتەن، ۆەدومستۆونىڭ باسپا ءسوز قىزمەتى تەرىسكە شىعارۋ ءماتىنىن دايىندادى"، - دەپ جازىلعان حابارلامادا.كلاما

سونىمەن قاتار، ءمامس جۇيەسى تۋرالى دا ايتىلدى.

"بىرىنشىدەن، ءمامس جۇيەسىنىڭ جۇمىسىنا قاتىستى الەۋمەتتىك مەديسينالىق ساقتاندىرۋدى ەنگىزۋدىڭ ارقاسىندا دەنساۋلىق ساقتاۋ بيۋدجەتى كەيىنگى ءۇش جىلدا 1،7 ەسە، بيىل 1،1 تريلليون تەڭگەدەن 2،8 تريلليون تەڭگەگە دەيىن وسكەنىن اتاپ وتكەن ءجون. وسىلايشا، ساقتاندىرۋ قاراجاتىنىڭ ەسەبىنەن ەلىمىزدىڭ ءبىر تۇرعىنىنىڭ دەنساۋلىعىنا جۇمسالاتىن شىعىن 56 مىڭ تەڭگەدەن 122 مىڭ تەڭگەگە دەيىن ءوستى. سونىمەن قاتار، ءمامس-تىڭ ەسەبىنەن ستاسيونارلىق كومەكتى قارجىلاندىرۋ 2،4 ەسە، جوعارى تەحنولوگيالىق مەديسينالىق كومەك 2،5 ەسە، كۇندىزگى ستاسيونارلار 2 ەسە ۇلعايدى، جىل سايىن 1،5 ميلليونعا جۋىق كت/مرت قىزمەتتەرى جۇرگىزىلەدى، حالىقتى تەگىن دارى-دارمەكپەن قامتۋ دەڭگەيى 3،9 ميلليون ادامعا دەيىن جەتتى. قاراجاتتى جۇمساۋدىڭ اشىقتىعى تۇرعىسىنان مەديسينالىق ساقتاندىرۋ قورى جاريا ەسەپتىلىك پەن اشىقتىق ەرەجەلەرىن قاتاڭ ۇستانادى"، - دەپ جازىلعان حابارلامادا.

دەنساۋلىق ساقتاۋ مينيسترلىگى "جوعارىلاتىلعان باعا بويىنشا بيۋدجەتتەن بولىنگەن 48 ميلليارد تەڭگەگە" مەديسينالىق اپپاراتتار ساتىپ الادى دەگەن تۇجىرىمدى دا جوققا شىعاردى.

"مەديسينالىق جابدىقتاردى ساتىپ الۋ ءراسىمى "سق-فارماسيا" ءبىرىڭعاي ديستريبيۋتورىنا بەكىتىلگەن، ال قارجىلاندىرۋ كوزى جەرگىلىكتى اتقارۋشى ورگانداردىڭ وتىنىمدەرى بويىنشا وڭىرلىك بيۋدجەتتەر سانالادى. دەنساۋلىق ساقتاۋ مينيسترلىگى بىرنەشە رەت اقپاراتتىق شابۋىل نىسانىنا اينالدى، مۇندا جالعان اقپارات كوزدەرى قولدانىلىپ، اشىق ارانداتۋعا جول بەرىلىپ جاتىر. بۇقارالىق اقپارات قۇرالدارى ارقىلى بەدەلگە نۇقسان كەلتىرۋگە تىرىسقانىنا قاراماستان، مينيسترلىك مەملەكەتتىك ورگان رەتىندە ۇنەمى ايقىن جانە اشىق ساياساتتى ۇستانادى، ءارقاشان سىندارلى ديالوگ پەن پايدالى پىكىرتالاستارعا دايىن"، - دەپ جازىلعان مينيسترلىك مالىمەتىندە.