قازاقستان رەسپۋبليكاسىنىڭ ۇكىمەتى مەن جۇڭگو حالىق رەسپۋبليكاسىنىڭ ۇكىمەتى اراسىنداعى مادەني ورتالىقتاردى ءوزارا قۇرۋ تۋرالى زاڭ جوباسى ازىرلەندى.
اتالعان كەلىسىم استانا قالاسىندا 2023 جىلى 24 قاراشادا جاسالعان بولاتىن.
كەلىسىمنىڭ ماقساتى – مادەني ورتالىقتاردى قۇرۋ، سونداي-اق ەكى حالىق اراسىنداعى ءوزارا تۇسىنىستىكتى جان-جاقتى نىعايتۋ جانە مادەني-گۋمانيتارلىق سالادا تاراپتار مەملەكەتتەرى اراسىنداعى دوستىق قارىم-قاتىناستى، ءوزارا الماسۋ مەن ىنتىماقتاستىقتى دامىتۋعا جاردەمدەسۋ.
«كەلىسىمدى راتيفيكاسيالاۋ قازاقستان مەن جۇڭگو اراسىنداعى
مادەني-گۋمانيتارلىق، عىلىمي جانە ءبىلىم بەرۋ سالاسىنداعى بايلانىستاردى ودان ءارى كەڭەيتۋگە، تۋريستىك الەۋەتتى دامىتۋعا جانە مادەنيەت جانە ونەر قايراتكەرلەرىن تارتۋ ارقىلى ەكى ەلدىڭ تاريحي-مادەني مۇراسىن ىلگەرىلەتۋگە جانە ەكى ەلدىڭ تاريحي-مادەني مۇراسىن ناسيحاتتاۋعا وڭ سەرپىن بەرەدى»، دەلىنگەن قۇجاتتا.
اتالعان زاڭ جوباسى جاقىن كۇندەرى ماجىلىسكە ۇسىنىلادى.
مادەنيەت مينيسترلىگى 2022 جىلى ەكى مەملەكەت باسشىلارى جۇڭگو مەن قازاقستاندا تەڭدىك نەگىزدە مادەني ورتالىقتار قۇرۋ تۋرالى كەلىسىمگە كەلگەنىن ناقتىلايدى.
قۇجات قوعامدىق تالقى ءۇشىن «اشىق نقا» سايتىنا 4 ناۋرىزعا دەيىن ورنالاستىرىلدى.
پىكىر قالدىرۋ