قىرعىزستاندا جاسوسپىرىمدەرگە زورلىق-زومبىلىق كورسەتۋ جانە ادام ءولتىرۋ فاكتىسى بويىنشا جازا قاتايتۋ ۇسىنىلدى. جوعارعى كەڭەس دەپۋتاتى ءوز سوزىندە تۇرمىستىق زورلىق-زومبىلىقتى قىلمىستىق جاۋاپكەرشىلىككە تارتۋ تۋرالى زاڭ قابىلداعان قازاقستاندى مىسالعا كەلتىردى.
"قازاقستاندا ءبىر ايدان بەرى ايەلىن ۇرىپ ولتىرگەن ەكس-مينيستر قۋاندىق بيشىمبايەۆتىڭ اشىق سوت وتىرىسى ءوتىپ جاتىر. سونىڭ نەگىزىندە قازاقستاندا ەل اراسىندا "سالتانات زاڭى" دەگەن اتاۋعا يە بولعان زاڭ قابىلداندى. ەندى بىرەۋ بىرەۋگە قول كوتەرىپ، دەنەسىن ءسال كوگەرتسە دە، قىلمىستىق ءىس قوزعالادى. بىزگە دە جازانى قاتايتاتىن وسىنداي زاڭ كەرەك"، – دەدى جوعارعى كەڭەس دەپۋتاتى شاراپاتقان ءماجيتوۆا.
ەسكە سالا كەتەيىك، جاقىندا پرەزيدەنت قاسىم-جومارت توقايەۆ "قازاقستان رەسپۋبليكاسىنىڭ كەيبىر زاڭنامالىق اكتىلەرىنە ايەلدەردىڭ قۇقىقتارىن جانە بالالاردىڭ قاۋىپسىزدىگىن قامتاماسىز ەتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" جانە "رەسپۋبليكالىق كودەكسكە وزگەرىستەر مەن تولىقتىرۋلار ەنگىزۋ تۋرالى" زاڭدارعا قول قويعان بولاتىن.
پىكىر قالدىرۋ