پرەزيدەنت قوستاناي وبلىسىنىڭ قوستاناي اۋدانىنىڭ تۇرعىندارىمەن كەزدەسكەن كەزىندە سۋ تاسقىنىنىڭ زارداپتارىن جويۋعا جەدەل كومەك كورسەتىلىپ، قۇتقارۋ جۇمىستارىنىڭ ۋاقىتىلى جۇرگىزىلگەنى ءۇشىن العىستارىن ءبىلدىردى.
سونىمەن قاتار وسى كەزدەسۋدە كيىكتەردى اتۋعا تىيىم سالىناتىنىن ايتتى.
«پرەزيدەنت قازاق دالاسىنىڭ سيمۆولى سانالاتىن اقبوكەندەردىڭ كوبەيۋىنە توسقاۋىل قوياتىن شەشىمنىڭ كۇشىن جويىپ، وعان تىيىم سالىناتىنىن مالىمدەدى»،– دەلىنگەن اقوردانىڭ حابارلاماسىندا.
سونداي-اق ول توقايەۆ كەلەسى جىلى الاش ارداقتىسى ءمىرجاقىپ دۋلاتوۆتىڭ 140 جىلدىعىنا ارنالعان ءىس-شاراعا قاتىسۋ ءۇشىن ارقالىق قالاسىنا بارۋدى جوسپارلاپ وتىرعانىن جەتكىزگەن.
ايتا كەتەيىك، كيىك اتۋعا بىلتىر رۇقسات ەتىلىپ، سوسىن 10 اقپاندا تىيىم سالىنعان ەدى. الايدا بيىل كۇزدە قازاقستاندا كيىك اتۋعا قايتا رۇقسات ەتىلۋى مۇمكىن ەكەنى ايتىلىپ جۇرگەن.
پىكىر قالدىرۋ