قايرات بورانبايەۆ مەملەكەتكە 134،5 ملرد تەڭگە قايتارعان. قارجى مونيتونيگ اگەنتتىگى بۇل سومانىڭ تاعى دا ءوسۋى مۇمكىن ەكەنىن ايتتى.
"نەگىزگى قىلمىستىق ىستەر بويىنشا 14،5 ملرد تەڭگە كولەمىندە زالال وتەلدى. ونىڭ ىشىندە 120 ملرد تەڭگە كولەمىندە زالالدى ءوز ەركىمەن وتەدى. قىلمىستىق ءىس ءالى توقتاتىلعان جوق. تەرگەۋ ءجۇرىپ جاتىر. مەملەكەت شىعىنىن ءوز ەركىمەن وتەگەنى ءۇشىن ونىڭ باس بوستاندىعىنان ايىرۋ جازاسى، باس بوستىندىعىن شەكتەۋ جازاسىنا اۋىستىرىلدى"، - دەدى قارجىلىق مونيتورينگ اگەنتتىگى ءتوراعاسىنىڭ ورىنباسارى جەڭىس ەلەمەسوۆ.
ءقازىر بورانبايەۆتىڭ تەرگەۋ جۇمىستارى بيۋدجەت قاراجاتىن ۇرلاۋ جانە سالىق تولەۋدەن جالتاردى دەگەن كۇدىكپەن جۇرگىزىلىپ جاتىر.
ايتا كەتەيىك، قايرات بورانبايەۆ 2022 جىلى "كۆازيمەملەكەتتىك سەكتوردان ءىرى كولەمدە اقشا جىمقىردى" دەگەن كۇدىككە ىلىنگەن. وعان QazaqGaz ۇلتتىق كومپانيانىڭ گازىن ساتۋ بويىنشا كەلىسىمنەن تۇسكەن 14،6 ملرد تەڭگە قاراجاتتى جىمقىردى دەگەن ايىپ تاعىلعان. بورانبايەۆتى تەرگەۋ كەزىندە قۇنى 1،4 ميلليارد تەڭگەدەن اساتىن "Comfort Hotel Astana" ءقوناقۇي كەشەنى مەملەكەت مەنشىگىنە وتكەن بولاتىن.
پىكىر قالدىرۋ