نورۆەگيا، يسپانيا كورولدىكتەرى مەن يرلانديا رەسپۋبليكاسى پالەستينا مەملەكەتىنىڭ تاۋەلسىزدىگىن مويىندايتىن قۇجاتقا قول قويدى. قۇجات 28 مامىردا زاڭدى كۇشىنە ەنەدى.
"نورۆەگيا ۇكىمەتى پالەستينانى جەكە مەملەكەت رەتىندە تانيدى. ون مىڭداعان ادام قازا تاپقان سوعىس جاعدايىندا ءبىز يزرايلدىكتەرگە دە، پالەستينالىقتارعا دا بەيبىتشىلىك پەن قاۋىپسىزدىكتە ءومىر ءسۇرۋدى عانا ۇسىنامىز"، - دەدى پرەمەر-مينيستر يوناس گار ستەرە.
مينيسترلەر كابينەتى بۇل شەشىمىن "نورۆەگيانىڭ تاياۋ شىعىستاعى قاقتىعىستى شەشۋگە تەك ەكى مەملەكەت قۇرۋ ارقىلى قول جەتكىزۋگە بولاتىنى تۋرالى بۇرىننان كەلە جاتقان ۇستانىمىن كورسەتەدى" دەپ ءتۇسىندىردى. ولاردىڭ پىكىرىنشە، يزرايلدىكتەر دە، پالەستينالىقتار دا ءوز مەملەكەتتەرىندە بەيبىت ءومىر سۇرۋگە قۇقىلى.
يرلانديانىڭ ۇكىمەت باسشىسى سايمون حارريس پالەستينانىڭ ازاتتىق ءۇشىن كۇرەسىن قولداسا، يسپانيا پرەمەر-مينيسترى پەدرو سانچەس ءوز ەلىنىڭ "ەكى مەملەكەت" قاعيداسىن ۇستاناتىنىن ايتتى.
وسى وقيعادان كەيىن يزرايل مەملەكەتى وسى ەلدەردەگى ەلشىلەرىن شاقىرتقان.
پىكىر قالدىرۋ