4 مامىر كۇنى استانادا پوليسەيلەر "تويوتا" كولىگىن تەكسەرۋ بارىسىندا جۇرگىزۋشىنىڭ كولىك قۇرالىن باسقارۋعا رۇقساتى جوق جانە كولىكتى ماس كۇيىندە باسقارعانى انىقتالعان.
ارتىنشا جۇرگىزۋشى پوليسيا مايورى، اقمولا وبلىسىنىڭ ۇيىمداسقان قىلمىسقا قارسى كۇرەس باسقارماسىنىڭ قىزمەتكەرى قانات جانايەۆ ەكەنى بەلگىلى بولعان.
سوت پروسەسىندە جانايەۆ كىناسىن مويىنداپ، جۇرگىزۋشى كۋالىگىنىڭ مەرزىمى ءوتىپ كەتكەنىن، ال جاڭاسىن راسىمدەۋگە ۇلگەرمەگەنىن ايتقان.
سۋديا ونى كىنالى دەپ تاۋىپ، ءبىراق قۇقىق بۇزۋشى قۇقىق قورعاۋ ورگانىنىنىڭ قىزمەتكەرى بولعاندىقتان، ونى اكىمشىلىك قاماۋعا الماعان. تەك قىزمەتىنەن بوساتقان.
"جانايەۆ قانات قىزمەتتىك تەرگەۋ ناتيجەسى بويىنشا تەرىس كورسەتكىشتەرىمەن پوليسيا دەپارتامەنتىنەن (ىشكى ىستەر ورگانى) بوساتىلدى"، – دەدى پوليسيا دەپارتامەنتىنىڭ باسپا ءسوز قىزمەتىنىڭ جەتەكشىسى گۇلنار پينچۋك.
پىكىر قالدىرۋ